Golf

Góður lokahringur Tiger dugði ekki til

Anton Ingi Leifsson skrifar
Tiger á fjórða hringnum í dag.
Tiger á fjórða hringnum í dag. vísir/getty

Tiger Woods, einn besti golfari fyrr og síðar, var í toppbaráttunni á BMW-mótinu sem lauk í dag en hann endaði í sjöunda sætinu eftir mikla baráttu.

Tiger átti góðan fyrsta hring en það aðeins af honum á öðrum hring. Á þriðja hringnum kom hann sér aftur í baráttuna og var því í baráttunni fyrir síðasta hringinn.

Síðasta hringinn átti að leika í gær en honum var frestað vegna mikillar rigningar.

Tiger átti góðan hring í dag og spilaði á 65 höggi, eða fimm undir pari og var að berjast við toppinn en Keegan Bradley og Billy Horschel spiluðu best á fjórða hringnum.

Það dugði Bradley til að komast í bráðabana gegn Justin Rose. Tveir fuglar á síðustu þremur holunum tryggðu Bradley bráðabana.

Rose gat tryggt sér sigurinn á átjándu holunni með að fá par en hann missti pútt og endaði holuna á skolla. Þeir enduðu því jafnir á 20 höggum undir pari.

Eftir bráðabana var það svo Bradley sem stóð uppi sem sigurvegari eftir. Þeir spiluðu átjándu holuna í bráðabananum og fór Rose hana á fimm á meðan Bradley lék á pari, eða fjórum höggum.

Tiger endaði í sjötta sætinu á samtals sautján höggum undir pari.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.