Fótbolti

Keane kallaði leikmann landsliðsins helvítis aumingja

Henry Birgir Gunnarsson skrifar
Þeir verða ekki mikið skapheitari en Keane.
Þeir verða ekki mikið skapheitari en Keane. vísir/getty

Skapið á Roy Keane, aðstoðarlandsliðsþjálfara Írlands, heldur áfram að koma honum í fréttirnar en nú hefur einn leikmaður hætt í landsliðinu út af Keane.

Það er liðsfélagi Arons Einars Gunnarssonar hjá Cardiff City, Harry Arter, sem hefur fengið nóg af Keane og gefur ekki lengur kost á sér í landsliðið.

Keane hellti sér yfir hann síðasta sumar og kallaði hann þá helvítis aumingja. Arter var þá ekki með á æfingu að læknisráði. Það fannst Keane vera metnaðarleysi og hellti sér því yfir hann.

Arter mun ekki snúa aftur í landsliðið á meðan Keane er þar. Þjálfarinn skapheiti lenti líka í átökum við framherjann Jonathan Walters. Ástæðan var sú saman. Walters var ekki að æfa að læknisráði.

Walters stóð aftur á móti í hárinu á Keane og hnakkreifst við hann. Þurfti að stía þá í sundur áður en hnefarnir byrjuðu að tala.

Framherjinn vildi bera klæði á vopnin og bað Keane um að hitta sig upp á hótelherbergi. Keane afþakkaði það pent.

Engu að síður er Walters enn í landsliðinu og allt í góðu á milli hans og Keane. Martin O'Neill landsliðsþjálfari stendur þétt við bakið á Keane í þessu máli.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.