Lífið

Ólafur byggði 460 fermetra glerhýsi yfir allt húsið sitt í Mosfellsbæ

Stefán Árni Pálsson skrifar
Hjónin Ólafur og Svava búa saman í Mosfellsbænum.
Hjónin Ólafur og Svava búa saman í Mosfellsbænum.

Í Mosfellsbænum er ævintýralegt hús sem mörgum hefði líklega þótt þægilegt að búa í í sumar þegar rigningardagarnir komu hver af öðrum. Arkitektinn Ólaf Sigurðsson langaði til að gera tilraun sem hefur heppnast mjög vel.

Vala Matt fór í heimsókn til hans og Svövu Ágústsdóttur, konu hans, í þættinum Íslandi í dag á Stöð 2 í gærkvöldi.

Hann ákvað fyrir mörgum árum að teikna og byggja 460 fermetra glerhýsi sem veðurhjúp yfir allt hús þeirra hjóna sem einungis er um hundrað fermetrar og Svava tók þátt í ævintýrinu. Hún hefur verið óhemju dugleg að planta suðrænum plöntum og ávöxtum sem við eigum ekki að venjast á Íslandi.

Ólafur stillir bara glerfletina eftir veðri og vindum og þegar þau hjónin fá næturgesti, þá gista þeir bara í innigarðinum undir glerhúsinu við hliðiná húsinu.

Hér að neðan má sjá þátt gærkvöldsins þar sem Vala Matt ræddi við þau hjón.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.