Sport

Á leið í fangelsi en fékk eins árs samning í NFL-deildinni

Henry Birgir Gunnarsson skrifar
Kendricks þjarmar hér að Tom Brady í Super Bowl í febrúar.
Kendricks þjarmar hér að Tom Brady í Super Bowl í febrúar. vísir/getty

Lífið í NFL-deildinni er oft á tíðum æði sérstakt eins og sést líklega best á því að maður sem er á leið í steininn var að skrifa undir samning við sterkt lið í deildinni.

Varnarmaðurinn Mychal Kendricks var rekinn frá Cleveland Browns í lok mánaðarins er hann játaði að hafa tekið þátt í innherjasvikum.

Hann á yfir höfði sér allt að 25 ára fangelsisdóm en dómsuppkvaðning er aftur á móti ekki fyrr en 24. janúar. Í millitíðinni er honum frjálst að spila amerískan fótbolta.

Það ætlar Seattle Seahawks að nýta sér og félagið er því búið að semja við hann til eins árs. Hann mun líklega ekki vera í aðstöðu til þess að spila næsta vetur.

Kendricks varð NFL-meistari með Philadelphia Eagles á síðustu leiktíð en var svo sendur yfir til Cleveland. Stoppið þar var stutt en hann fær að spila bolta í Seattle áður en hann fer í steininn.

NFL

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.