Matur

Einfalt með Evu: French toast, bláberja boozt og ítöls eggjabaka

Stefán Árni Pálsson skrifar
Eva fer í gegnum auðvelda en góða rétti í þáttunum Einfalt með Evu.
Eva fer í gegnum auðvelda en góða rétti í þáttunum Einfalt með Evu.

Einfalt með Evu fór í loftið á Stöð 2 á dögunum en í þáttunum matreiðir Eva Laufey Kjaran Hermannsdóttir frábæra en á sama tíma einfalda rétti. Hver réttur á ekki að taka lengri tíma en 15 mínútur. 

Uppskriftirnar verða ávallt aðgengilegar hér á Vísi. Hér að neðan má sjá uppskriftir úr þætti kvöldsins.

French Toast

  • 4 stórar brauðsneiðar
  • 4 egg
  • 2 dl rjómi
  • 2 msk. appelsínusafi
  • Rifinn appelsínubörkur, um það bil matskeið
  • ½ tsk kanill
  • 1 tsk. Vanilludropar
  • Fersk jarðarber
Aðferð:
  1. Skerið brauðið niður í þykkar sneiðar.
  2. Pískið egg og rjóma léttilega saman. Bætið appelsínusafa, kanil, vanillu og og hrærið vel. Hellið blöndunni yfir brauðsneiðarnar og snúið þeim einu sinni við. Leyfið brauðinu að liggja í eggjablöndunni í 2 – 3 mínútur.
  3. Hitið smjör á pönnu og steikið á hvorri hlið í nokkrar mínútur eða þar til eggin eru elduð. Gætið þess að hafa ekki of háan hita á pönnunni.
  4. Berið brauðið fram með ferskum jarðarberjum og hlynsírópi. Njótið vel!

French Toast að hætti Evu Laufeyjar.

Bláberja boozt

  • 200 g Bláberjaskyr
  • 2 dl frosin bláber
  • Einn banani
  • Klakar
  • Möndlumjólk, magn eftir smekk
Aðferð:

1. Setjið öll hráefnin í blandarann í smá stund eða þar til drykkurinn er silkimjúkur.
2. Hellið drykknum í glas og njótið.

Bláberja boozt alltaf gott.

Ítölsk eggjakaka bökuð í ofni

Bökuð á pönnu sem má fara inn í ofn, stærðin á pönnunni er 26cm

  • 1 msk ólífuolía
  • 5 sneiðar pancetta eða beikon
  • 1 dl blaðlaukur
  • 2 hvítlauksrif
  • 2 meðalstórar bökunarkartöflur, smátt skornar
  • 1 dl sólþurrkaðir tómatar
  • 8 egg
  • 200 ml sýrður rjómi
  • Salt og pipar
  • 150 g klettasalat
  • 10 – 12 kirsuberjatómatar
  • Nýrifinn parmesanostur, magn eftir smekk

    Aðferð:
  1. Forhitið ofninn í 180°C.
  2. Hitið olíu á pönnu, skerið blaðlauk og hvítlauk smátt og steikið.
  3. Skerið pancettu í litla bita og bætið út á pönnuna þar til hún er orðin stökk, því næst fara smátt saxaðar sólþurrkaðir tómatar og smátt skornar kartöflur. Steikið þar til kartöflurnar eru orðnar gullinbrúnar.
  4. Pískið egg og sýrðan rjóma saman, kryddið með salti og pipar. Hellið eggjablöndunni yfir og steikið á lágum hita í 4 – 5 mínútur eða þar til eggjakakan er að verða stíf og flott. Rífið parmesan yfir áður en þið setjið eggjakökuna inn í ofn við 180°C í 30 – 35 mínútur eða þar til eggjakakan er orðin stíf í gegn og gullinbrún.
  5. Berið eggjakökuna fram með fersku klettasalati, smátt skornum kirsuberjatómötum og nýrifnum parmesan.

Ítölsk eggjabaka.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.