Fótbolti

Fanndís: Þær voru bara betri en við

Víkngur Goði Sigurðarson skrifar
Fanndís í baráttunni í dag
Fanndís í baráttunni í dag vísir/daníel

Fanndís Friðriksdóttir leikmaður Íslenska landsliðsins í fótbolta var svekkt eftir 2-0 tap gegn Þjóðverjum í dag. Fanndís spilaði á vinstri kantinum í dag og átti nokkur skot í átt að marki Þjóðverja í dag en því miður ekkert sem rataði inn.

„Þetta er það, verður bara að segjast eins og er. Þær voru bara betri en við í dag,” sagði Fanndís eftir að vera spurð hvort þetta hafi verið svekkjandi eftir tapið í dag gegn Þýskalandi.

Hvað fannst Fanndísi helst vanta uppá hjá liðinu í dag?

„Við fengum nokkur svona moment sem við hefðum getað gripið kannski örlítið betur en við gáfum okkur 110% fram í þetta og reyndum allt sem við gátum.”

Vantaði aðeins meiri pressu og afl í sóknarleikinn?

„Eins og ég sagði þá komu svona moment sem að við hefðum getað gripið betur og svona moment sem að við hefðum getað sótt aðeins á þær og gert aðeins betur, en því miður þá voru þær bara öflugari í dag.”

Er þetta bara klisjan að Ísland fer aldrei auðveldu leiðina?

„Nei, nei við tökum bara gott recovery núna og gírum okkur almennilega upp fyrir leikinn á þriðjudaginn og ætlum okkur að vinna hann af sjálfsögðu,” sagði Fanndís Friðriksdóttir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.