Golf

Webb Simpson leiðir með einu höggi eftir frábæran endasprett

Bjarni Þórarinn Hallfreðsson skrifar
Simpson fagnar erninum sínum á 18. holu
Simpson fagnar erninum sínum á 18. holu Getty

Webb Simpson leiðir á Dell Technologies meistaramótinu í golfi en mótið er hluti af PGA mótaröðinni. Simpson lék á átta undir pari vallarins og leiðir hann mótið með einu höggi.

Simpson byrjaði ágætlega í nótt, og fékk fugl strax á annari holu. Síðan hrökk hann aldeilis í gang á þeirri fimmtu og fékk hann þá þrjá fugla í röð.

Eftir fyrri níu holurnar var hann á fjórum höggum undir pari, og samtals á sjö höggum undir pari. Simpson byrjaði seinni níu holurnar vel og fékk fugl á 10. og 13. holu.

Þegar Simpson gekk upp að flötinni á 18. holu var hann í 3. sæti en stórkostlegt 20 metra pútt hans fyrir erni fleytti honum upp í toppsætið.

Englendingarnir Tyrell Hatton og Justin Rose eru einu höggi á eftir Simpson.

Mörg stór nöfn komust í gegnum niðurskurðinn. Jordan Spieth og Tiger Woods komust nokkuð þægilega í gegnum niðurskurðinn. Phil Mickelson komst einnig í gegnum niðurskurðinn en hann var aðeins einu höggi frá því að detta úr leik.

Tveir hringir eru eftir af mótinu en hver fer að verða síðastur til þess að tryggja sér í lið Bandaríkjanna og Evrópumanna fyrir Ryder bikarinn sem hefst í lok þessa mánaðar. Það er því mikið í húfi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.