Veiði

Lifnar yfir Ásgarði í Soginu

Karl Lúðvíksson skrifar
Það liggja vænir laxar í Soginu
Það liggja vænir laxar í Soginu Mynd: Árni Baldursson FB

Það hafa ekki borist margar fréttir af Soginu í sumar þrátt fyrir að þangað sé alltaf nokkur straumur veiðimanna.

Það hafa þó borist fréttir af og til af Ásgarði og greinilegt að það er meiri lax á því svæði en var til dæmis í fyrra.  Af fréttum frá Lax-Á sem er leigutaki svæðisins þá veiddust til að mynda 14 laxar í tveggja daga holli í lok ágúst á þrjár stangir ásamt því að töluvert af bleikju kom einnig á land.  Það virðist vera nokkuð líf í Ásgarði og því líklegt að það sé sama saga af hinum bakkanum sem er kenndur við Bíldsfell.  Við vitum af tveimur hópum sem voru í Bíldsfelli í ágúst sem sannarlega fengu einhverja veiði en af veiðibókunum að dæma hefur líklega gleymst að bóka þá fiska en þeir fengu þó veglega myndatöku á samfélagsmiðlum.

September í Soginu er oft góður tími og það er einmitt þá sem stóri fiskurinn fer að taka.  Nú eru tveir aðilar sem selja leyfi á aðalsvæðin í Soginu en það eru Lax-Á og SVFR en samkvæmt vefsölunni hjá báðum er nokkuð um lausa daga.  Það er varla hægt að gera skemmtilegri veiði með stórlaxavon fyrir sanngjarnt verð svona stutt frá höfuðborginni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.