Veiði

102 sm hængur úr Vatnsdalsá

Karl Lúðvíksson skrifar
Sturla með 102 sm laxinn úr Hnausastreng
Sturla með 102 sm laxinn úr Hnausastreng Mynd: Reiða Öndin FB

Nú er haustið að detta inn og ákveðinn ró að færast yfir laxveiðina en það skyldi þó engin halda að það sé ekki gaman að vera á bakkanum þessa dagana.

Haustið færir okkur nefnilega þann tíma þegar stóru hængarnir fara á stjá og það fara líklega að berast fréttir reglulega úr ánum næstu vikur af stórum löxum sem eru að stökkva á flugur veiðimanna.  Vatnsdalsá er ein af þessum ám þar sem nokkrir laxar yfir 100 sm veiðast á hverju hausti og oft nokkrir.  Í gær veiddist einn slíkur en það var Sturla Birgisson sem veiddi hann.  Laxinn veiddist í einum frægasta stórlaxastað landsins, Hnausastreng, og var mældur 102 sm og síðan sleppt aftur eins og reglur gera ráð fyrir.  Það tók 30 mínútur að landa tröllinu sem tók verulega á eins og gefur að skilja.  Við bíðum spennt eftir frekari fregnum af stórlöxum úr Vatnsdalnum.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.