Stóð yfir ferðamanni á meðan hann kúkaði í garð á Laugarvatni Kolbeinn Tumi Daðason skrifar 3. september 2018 10:20 Lágur steinveggur skilur að bílaplanið hjá versluninni á Laugarvatni og garð foreldra Sigríðar. Sigríður Jónsdóttir Þótt lægðir hafi truflað landsmenn víða þegar dagur rann í gær, sunnudag, voru það hægðir ferðamanns nokkurs sem vöktu athygli íbúa í húsi á Laugavatni. Þannig sátu hjón í eldhúsinu heima hjá sér þegar þau urðu vör við að ferðamaður kom inn í garðinn þeirra. Áður en yfir lauk hafði hann skitið í garðinn en hirti þó saurinn sinn, líklega vegna þess að húsbóndinn á heimilinu stóð yfir honum. Sigríður Jónsdóttir, dóttir hjónanna og íbúi á Laugarvatni, lýsir atburðarásinni í færslu á Facebook. Greinilegt er að henni er nóg boðið. „Ég hef áður komið inn a það hversu mikil yfirgengileg frekja og dónaskapur einkennir margann ferðamanninn. Ég hef oftar en ekki þurft að reka þá í burtu af landareigninni hjá mér þar sem þeir eru mígandi, skítandi, að grilla, stelast í veiði eða fljúgandi með dróna yfir húsinu mínu,“ segir Sigríður. Þeir vaði inn í girðingarnar hjá hrossunum, gefi þeim mat og reyni að setjast á bak án þess að vita hvort hrossið sé tamið eða ekki.Mikill fjöldi ferðamanna sækir Laugarvatn heim árlega enda liggur hinn Gullni hringur í gegnum bæinn þegar ekið er Lyngdalsheiðina frá Þingvöllum.visir/StefánÓk í burtu á Land Cruiser Sunnudagsmorgun hafi svo móðir hennar og faðir setið í eldhúsinu heima hjá sér á Laugarvatni. Þau búa við hliðina á versluninni í kjarnanum sem átti að opna nokkrum mínútum seinna. „Þá sjá þau að einn eldri maður á bilinu 65-70 ára klifrar yfir steinvegg sem skilur að garðinn þeirra og búðarplanið. Pabbi fór út og ákvað að fylgjast með þessum athöfnum. Drullupésinn girti niðrum sig og skeit í garðinn!“ Að sögn Sigríðar girti gesturinn óboðni sig á ný og hirti úrganginn. „Enda ekki þorað öðru þar sem pabbi stóð og tók myndir af honum... settist svo upp í glænýjan Land Cruiser og keyrði í burtu með samferðamönnum sínum.“Aðeins kassavana ferðamenn Sigríður segir ferðamenn á borð við þess óþolandi. „Og nú mæli ég með því að skilyrði fyrir að fá að koma til landsins verði að það sé vottað að aðilinn sé kassavaninn!“ Hún segist í það minnsta búin með allan skammt af þolinmæði fyrir þessari hegðun og spyr hvað hægt sé að gera. „Aldrei myndi maður voga sér að haga sér svona erlendis.“ Nokkur umræða hefur skapast um hægðir ferðamanna á vegg Sigríðar og fleiri íbúar á Laugavatni sem hafa orðið vitni að hægðum á almannafæri.Vill sekta ferðamennina Jón Þór Ragnarsson, faðir Sigríðar, segir þetta sem betur fer ekki daglegt brauð. Það hafi þó sannarlega komið fyrir áður enda hafi hann því sem næst stigið í mannaskít í garði sínum og þurft að tína upp bréf sem þar liggja. Hann bendir á að margir húsbílarnir sem ferðafólkið notar hafi engin klósett. Fólk leggi hér og þar á næturnar og þurfi þeir á klósettið læði fólk sér inn í næsta garð. Þessi tiltekni ferðamaður hafi vissulega tekið skítinn með sér. „Hann tók draslið með sér þegar hann sá að ég var að fylgjast með honum,“ segir Jón Þór sem var nokkuð ágengur, ekki par sáttur við óboðna gestinn og hans gjörðir. Hann hafi tekið myndir af bílnum og númeraplötum til að geta látið bílaleiguna vita. Aðspurður hvað hægt sé að gera telur Jón Þór að stjórnvöld ætti að meina ferðamönnum að leggja annars staðar en á merktum stæðum á næturna. Annars ætti að sekta þá. Það sé hans skoðun og hann telur að með því ætti þetta að breytast. Vandamálið sé þó ekki aðeins bundið við næturnar. Í þessu tiltekna tilfelli voru fimm mínútur í að verslunin á Laugarvatni, með salernisaðstöðu, yrði opnuð. Þá eru salerni á tjaldstæðinu sem sé opið allan sólarhringinn fyrir gesti. Bláskógabyggð Ferðamennska á Íslandi Mest lesið Ísraelar gera árás á Íran Erlent Straumhvörf í veðrinu Innlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Kæra bónda eftir að 29 naut fundust dauð Innlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Helga ekki tilbúin að henda inn handklæðinu Innlent Segjast hafa skotið niður dýrmæta sprengjuflugvél Erlent Kennedy-fjölskyldan lýsir yfir stuðningi við Biden Erlent Fleiri fréttir Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Sjá meira
Þótt lægðir hafi truflað landsmenn víða þegar dagur rann í gær, sunnudag, voru það hægðir ferðamanns nokkurs sem vöktu athygli íbúa í húsi á Laugavatni. Þannig sátu hjón í eldhúsinu heima hjá sér þegar þau urðu vör við að ferðamaður kom inn í garðinn þeirra. Áður en yfir lauk hafði hann skitið í garðinn en hirti þó saurinn sinn, líklega vegna þess að húsbóndinn á heimilinu stóð yfir honum. Sigríður Jónsdóttir, dóttir hjónanna og íbúi á Laugarvatni, lýsir atburðarásinni í færslu á Facebook. Greinilegt er að henni er nóg boðið. „Ég hef áður komið inn a það hversu mikil yfirgengileg frekja og dónaskapur einkennir margann ferðamanninn. Ég hef oftar en ekki þurft að reka þá í burtu af landareigninni hjá mér þar sem þeir eru mígandi, skítandi, að grilla, stelast í veiði eða fljúgandi með dróna yfir húsinu mínu,“ segir Sigríður. Þeir vaði inn í girðingarnar hjá hrossunum, gefi þeim mat og reyni að setjast á bak án þess að vita hvort hrossið sé tamið eða ekki.Mikill fjöldi ferðamanna sækir Laugarvatn heim árlega enda liggur hinn Gullni hringur í gegnum bæinn þegar ekið er Lyngdalsheiðina frá Þingvöllum.visir/StefánÓk í burtu á Land Cruiser Sunnudagsmorgun hafi svo móðir hennar og faðir setið í eldhúsinu heima hjá sér á Laugarvatni. Þau búa við hliðina á versluninni í kjarnanum sem átti að opna nokkrum mínútum seinna. „Þá sjá þau að einn eldri maður á bilinu 65-70 ára klifrar yfir steinvegg sem skilur að garðinn þeirra og búðarplanið. Pabbi fór út og ákvað að fylgjast með þessum athöfnum. Drullupésinn girti niðrum sig og skeit í garðinn!“ Að sögn Sigríðar girti gesturinn óboðni sig á ný og hirti úrganginn. „Enda ekki þorað öðru þar sem pabbi stóð og tók myndir af honum... settist svo upp í glænýjan Land Cruiser og keyrði í burtu með samferðamönnum sínum.“Aðeins kassavana ferðamenn Sigríður segir ferðamenn á borð við þess óþolandi. „Og nú mæli ég með því að skilyrði fyrir að fá að koma til landsins verði að það sé vottað að aðilinn sé kassavaninn!“ Hún segist í það minnsta búin með allan skammt af þolinmæði fyrir þessari hegðun og spyr hvað hægt sé að gera. „Aldrei myndi maður voga sér að haga sér svona erlendis.“ Nokkur umræða hefur skapast um hægðir ferðamanna á vegg Sigríðar og fleiri íbúar á Laugavatni sem hafa orðið vitni að hægðum á almannafæri.Vill sekta ferðamennina Jón Þór Ragnarsson, faðir Sigríðar, segir þetta sem betur fer ekki daglegt brauð. Það hafi þó sannarlega komið fyrir áður enda hafi hann því sem næst stigið í mannaskít í garði sínum og þurft að tína upp bréf sem þar liggja. Hann bendir á að margir húsbílarnir sem ferðafólkið notar hafi engin klósett. Fólk leggi hér og þar á næturnar og þurfi þeir á klósettið læði fólk sér inn í næsta garð. Þessi tiltekni ferðamaður hafi vissulega tekið skítinn með sér. „Hann tók draslið með sér þegar hann sá að ég var að fylgjast með honum,“ segir Jón Þór sem var nokkuð ágengur, ekki par sáttur við óboðna gestinn og hans gjörðir. Hann hafi tekið myndir af bílnum og númeraplötum til að geta látið bílaleiguna vita. Aðspurður hvað hægt sé að gera telur Jón Þór að stjórnvöld ætti að meina ferðamönnum að leggja annars staðar en á merktum stæðum á næturna. Annars ætti að sekta þá. Það sé hans skoðun og hann telur að með því ætti þetta að breytast. Vandamálið sé þó ekki aðeins bundið við næturnar. Í þessu tiltekna tilfelli voru fimm mínútur í að verslunin á Laugarvatni, með salernisaðstöðu, yrði opnuð. Þá eru salerni á tjaldstæðinu sem sé opið allan sólarhringinn fyrir gesti.
Bláskógabyggð Ferðamennska á Íslandi Mest lesið Ísraelar gera árás á Íran Erlent Straumhvörf í veðrinu Innlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Kæra bónda eftir að 29 naut fundust dauð Innlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Helga ekki tilbúin að henda inn handklæðinu Innlent Segjast hafa skotið niður dýrmæta sprengjuflugvél Erlent Kennedy-fjölskyldan lýsir yfir stuðningi við Biden Erlent Fleiri fréttir Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Sjá meira