Innlent

Reyndi að brjótast inn í skóla í Kópavogi

Sunna Kristín Hilmarsdóttir skrifar
Lögreglan sinnti meðal annars útkalli vegna slagsmála í Smáralind í gær.
Lögreglan sinnti meðal annars útkalli vegna slagsmála í Smáralind í gær. vísir/vilhelm

Um klukkan þrjú í nótt gerði maður tilraun til að brjótast inn í skóla í Kópavogi en í tilkynningu frá lögreglu segir að manninum hafi ekki tekist að athafna sig lengi og kom hann sér undan tómhentur.

Þá var fólk handtekið í Smáralind um klukkan sex í gærkvöldi eftir að tilkynnt var um slagsmál í verslunarmiðstöðinni. Eins og greint var frá á Vísi í gær var öxi dregin upp í átökunum en í tilkynningu lögreglu segir að lagt hafi verið hald á öxina eftir að hún fannst við öryggisleit.

Lögreglunni bárust síðan nokkrar tilkynningu í gærkvöldi um ölvaða menn sem áreittu gangandi vegfarendur í miðborginni. Um kvöldmatarleytið varð annar þeirra á vegi lögreglu. Var hann handtekinn og vistaður í fangageymslu þar til rynni af honum.


Tengdar fréttir

Ráðist á mann með öxi í Kópavogi

Lögregla telur að um einhvers konar uppgjör eða innheimtu skuldar hafi verið að ræða. Sá sem varð fyrir árásinni er sagður lítið slasaður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.