Veiði

Haustveiðin að komast í gang í Stóru Laxá

Karl Lúðvíksson skrifar
Stórlax úr Stóru Laxá í Hreppum
Stórlax úr Stóru Laxá í Hreppum Mynd: Árni Baldursson FB

Stóra Laxá í Hreppum er alveg einstök á að veiða og ólíkt mörgum ám þá er oft besti tíminn í henni september.

Það sem útskýrir þessa einkennilegu hegðun í ánni er að hún verður oft ansi vatnslítil á sumrin og þá bíður laxinn á Iðu þar sem Stóra Laxá rennur í Hvítá þangað til vatnshæðin nær þeim mörkum að laxinn gangi upp.  Rigningar síðustu daga hafa lyft ánni vel upp og er hún líklega komin í 12-14 rúmmetra sem eru ákjósanleg skilyrði fyrir laxinn að ganga upp í Stóru Laxá.

Af fréttum að dæma er klárlega að færast aukið líf í ána en Árni Baldursson hjá Lax-Á er þar við veiðar núna og í gærkvöldi landaði hann sjö löxum úr Bergsnös sem er einn besti staðurinn á Svæði I-II og það aðeins á einum og hálfum tíma.  Þeir sem eiga daga fraumundan í Stóru Laxá gætu því lent í skemmtilegri veiði því þegar hún loksins fer í gang þá gerir hún það yfirleitt með látum.
 
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.