Veiði

Hressileg maðkaopnun í Ytri Rangá

Karl Lúðvíksson skrifar
Fyrsta maðkahollið í Ytri Rangá náði 136 löxum á tveim vöktum
Fyrsta maðkahollið í Ytri Rangá náði 136 löxum á tveim vöktum

Eftir ágætt tímabil þar sem flugan var eina vopn veiðimanna hefur maðkinum nú verið hleypt aftur í Ytri Rangá.

Veiðin í Ytri hefur eins og annars staðar róast nokkuð þegar liðið er á tímabilið en núna þegar maðkurinn er leyfður aftur hrökkva veiðitölurnar upp aftur og það nokkuð hressilega.  Opnunarhollið í maðkveiðinni var til að mynda með 136 laxa á land eftir aðeins tvær vaktir sem gerir um 10-12 laxa á stöng á hverri vakt en auðvitað er veiðinni ekki alveg svona jafnt skipt þar sem sumir veiða meira en aðrir.  Heildarveiðin í Ytri Rangá var síðasta miðvikudag 2.774 laxar en veiðin allt tímabilið í fyrra var 7.451 lax svo það er nokkuð útséð að það verður að teljast harla ólíklegt að áin skili neinni tölu nálægt því á þessu tímabili.  Hún er að detta yfir 3.000 laxa og þeir sem þekkja hana vel segja að miðað við það magn af laxi sem virðist vera í ánni þá gæti lokatalan verið um 4.500 - 5.000 laxar ef vel veiðist það sem eftir er en veitt er í ánni fram í október.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.