Golf

Tiger í bandaríska Ryder-liðinu

Ástrós Ýr Eggertsdóttir skrifar
Mickelson og Woods mæta liði Evrópu í lok september
Mickelson og Woods mæta liði Evrópu í lok september Vísir/Getty
Tiger Woods, Phil Mickelson og Bryson DeChambeau hafa allir verið valdir í lið Bandaríkjanna í Ryder bikarnum.

Woods kemst aftur í lið Bandaríkjanna í fyrsta skipti síðan 2012. Hann er að komast aftur í sitt besta form eftir að hafa farið í bakaðgerð og hefur spilað vel á PGA mótaröðinni í ár.

Mickelson mun keppa á sínu tólfta móti, sem er met. Hann tók fyrst þátt árið 1995.

DeChambeau hefur unnið síðustu tvær keppnir á PGA mótaröðinni og er efstur á FedEx stigalistanum.

Þremenningarnir eru svokölluð „wildcards,“ og voru valdir inn fyrir utan þá sem höfðu áður unnið sér inn sæti í liðinu. Á meðal liðsmanna bandaríska liðsins eru Brooks Koepka, Patrick Reed, Dustin Jonson, Jordan Spieth og Bubba Watson.

Ryder bikarinn fer fram í Frakklandi síðustu helgina í september. Bandaríkin eru ríkjandi meistarar eftir sigur á heimavelli 2016.




Fleiri fréttir

Sjá meira


×