Lífið

Haustspá Siggu Kling – Hrúturinn: Mikilvægt að þú finnir ekki sökudólga

Stefán Árni Pálsson skrifar

Elsku Hrúturinn minn, þvílík heppni fyrir þig það sé að koma haust, þú svífur inn í það eins og vindurinn og lokar fyrir síðasta mánuð sem hefur verið stressandi þrátt fyrir að þú hafir verið á hárréttri leið í lífinu.

Það er mjög mikilvægt að þú finnir ekki sökudólga fyrir streitunni eða spennunni sem hefur íþyngt þér og það er líka rosalega gott fyrir þig að segja ég er spenntur eða spennt, í staðinn fyrir að segja ég er stressuð eða stressaður.

Öllum erfiðleikum fylgir viska og þess vegna langar mig að kalla þig viskustykki, þegar haustið kallar á þig finnurðu leið út úr öllum þeim vandamálum sem hafa verið að stressa þig upp síðustu vikur og mánuði og þú lýkur því sem þú hefur frestað í lífi þínu á mettíma.

Þegar þú færð hugmynd er svo mikilvægt þú framkvæmir hana strax, helst innan nokkurra mínútna, annars hverfur krafturinn til að hrinda hlutum í verk og þú festist í hjólförum sem þú hefur engan áhuga á.

Að framkvæma, klára og sigra eru eiginleikar sem verður mikill kraftur yfir á þessu hausti, þú lætur ekkert skipta þig máli, hvorki veður, vind eða dass af rigningu.

Það er eins og þú lokir huganaum fyrir annarra manna áreiti og siglir áfram eins og flugfiskur með sjálfstraustið í fyrsta gír, það mun alls ekki fara þér að vera í hlutlausum því skoðanir, kjarkur og áræðni gefa þér ljós til að ná takmarkinu, hvert svo sem það er.

Þú færð kraftinn, hugmyndirnar og orkuna á næstu mánuðum til að skipta um gír og koma þér þangað sem þú vilt. Sum ykkar eru á fullri á fart og treysta því að ekkert komi fyrir þá og það mun koma ykkur á óvart hvað þið sjáið á þessum veg sem lífið er að gefa ykkur. Þú átt það svo sannarlega skilið að lyfta þér upp og leika þér meira.

Frægir Hrútar: Hera Björk Þórhallsdóttir söngkona, Silvía Lovetank listamaður, Marta María Jónasdóttir á Smartlandi, Björgvin Halldórsson söngvari, Kári Stefánsson vísindamaður, Vigdís Finnbogadóttir, fyrrverandi forseti, Hugh Hefner, Birgitta Jónsdóttir pírati, Anna Svava Knútsdóttir leikkona, Ólöf Erla, grafískur hönnunarsnillingur, Elton John söngvari, Salka Sól súperdrottning, Þóra í Atlanta, Sigmar Guðmundsson sjónvarpsmaður, Berglind Pétursdóttir, Steinunn Jónsdóttir, söngkona AmabAdamA, Þórhallur Þórhallsson uppistandari, Alda í Handy pandy, naglalistakona, Vala Grand, Hjálmar Forni listamaður, Jakob Bjarnar Grétarsson, Elín Björnsdóttir, fyrirlesari og kraftaverkakona, Guðbjörn Alexander Kling fótboltamaður, Theresa Rodriguez listamaður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.