Erlent

Mannskæður jarðskjálfti í Japan

Sunna Kristín Hilmarsdóttir skrifar
Frá eyjunni Hokkaido sem varð illa úti í skjálftanum.
Frá eyjunni Hokkaido sem varð illa úti í skjálftanum. vísir/epa

Að minnsta kosti átta létust og um 40 manns er saknað eftir öflugan jarðskjálfta sem skók japönsku eyjuna Hokkaido í nótt. Jarðskjálftinn mældist 6,7 að stærð og fylgdu honum miklar aurskriður að því er segir í frétt BBC.

Jarðskjálftinn kemur í kjölfar öflugs fellibyls sem gengið hefur yfir vesturhluta Japans síðustu daga. Fellibylurinn var sá öflugasti í Japan í aldarfjórðung. Hann varð að minnsta 10 manns að bana og olli víða mikilli eyðileggingu.

Yfirvöld í Japan hafa varað við hugsanlegum eftirskjálftum í dag og hvetja fólk til að hafa varann á. Japan er eitt helsta jarðskjálftasvæði heims en þar verða um 20 prósent allra jarðskjálfta á jörðinni sem mælast stærri en sex.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.