Lífið

Haustspá Siggu Kling – Meyjan: Miklar freistingar í kringum þig

Elsku Meyjan mín, þú hefur verið að hugsa svo margt undanfarið, á ég að bæta einhverju við í lífi mínu, er ég að gera rétt eða rangt og ég verð að segja við þig steinhættu þessu röfli við sjálfa þig. Þú ert á mjög hárri tíðni í lífinu ef við getum sagt það og akkúrat þá þarf ekki mikið til að pirra mann.

Mundu að smáatriði eru bara SMÁ atriði og það fer þér engan veginn að velta þér upp úr þeim, það lætur þér bæði líða illa svo verðurðu líka ófríðari ef þú gerir það, sem er náttúrulega ekki sem þú óskar eftir. Þú ert persóna sem geislar af kynþokka en kemur þér oft í bölvað vesen í tilfinningalegum aðstæðum. Skilyrði þess að þú fáir það sem þú vilt, já nákvæmlega núna er að þú njótir þess að vera til og þú þakkir fyrir öll þín vandræði, gleði og sorgir því annars værirðu að sjálfsögðu ekki þú!

Það eru miklar freistingar í kringum þig og jafnvel í ástinni og þú þarft að vita að freisting sem þú heldur að sé ást er 90% blekking hugans vegna þess við viljum alltaf rómantík og einhvern sem sýnir manni ótakmarkaða athygli.

Þú notar sömu dómhörku á sjálfa þig eins og þinn versta óvin, en forðastu dómhörku eins og heitan eldinn því það er svo algengt að það sem maður dæmir hjá öðrum það fær sjálfur í andlitið hundraðfalt. Það er ekki alltaf best að vera hreinskilin, fólk er ekki að biðja um það, góð vinkona mín sagði við mig: „Ég ætla ekki að vera leiðinleg Sigga en..“ og alltaf eftir þessa setningu kemur eitthvað leiðinlegt sem þú vilt ekki heyra. Ég nefni þetta bara vegna þess að orð okkar hafa mikið afl og álög, svo passaðu það sem þú segir, ekki gagnrýna elsku hjartans Meyjan mín!

Þetta er svo merkilegur tími sem þú ert að fara inn í sem gefur þér kraft til að vera leiðtogi eða meiri leiðtogi en þú hefur verið og styrk til að sýna meira en þú hefur sýnt hingað til. Þú ert snillingur til að hrinda verkefnum af stað en hættir svo við því þú hrífst af nýrri eða annarri hugmynd. Það er mjög óvenjulegt því þú ert sú týpa sem lýkur öllum verkefnum en núna ertu eins og Gullfoss, óbeislandi og enginn veit hvað þú getur fyrr en það gerist, svo einbeittu þér elskan mín að því að vera sveigjanleg og næra villinginn í þér.

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona, Raggi Bjarna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.