Lífið

Hörkupartý í Hörpunni

Stefán Árni Pálsson skrifar
Töluverður fjöldi mætti í Hörpunni í gær.
Töluverður fjöldi mætti í Hörpunni í gær.

Klúbbur matreiðslumeistara og Arnarlax hafa undirritað samstarfssamning á Kolabrautinni í Hörpu við hátíðlega athöfn í gær. Landsliðið og fagmenn þess munu nota hágæða afurðir úr laxeldi Arnarlax við æfingar og keppni. Íslenski laxinn hefur nú þegar skapað sér sterka ímynd á alþjóðlegum mörkuðum fyrir framúrskarandi gæði.

„Það er skemmtilegt fyrir landsliði að fá laxinn í liðið.  Hann hefur fjölbreyta notkunarmöguleika reyktur og grafinn yfir að vera háklassa aðalréttur á matseðlum veitingahúsa. Vinsæll í sushirétti í því margbreytilega formi. Við þekkjum afurðir Arnarlax vel og það er fyrsta flokks lax sem verður spennandi að vinna með,“ segir Hafliði Halldórsson framkvæmdastjóri Kokkalandsliðsins.

„Samstarf okkar við Klúbb matreiðslumeistara á Íslandi og Kokklandsliðið er spennandi verkefni og jafnframt viðurkenning á gæðum afurða okkar sem við erum mjög stolt af,“ segir Kristian Matthíasson forstjóri Arnarlax.

Kokkalandsliðið keppir á heimsmeistaramóti í matreiðslu sem fram fer í Lúxemborg í nóvember. Liðið er skipað ungum fagmönnum sem taka þátt í því að þróa íslenskt eldhús og kynna íslenskt hráefni fyrir erlendum fagmönnum í greininni.  Liðið er á lokaspretti í sínum 18 mánaða undirbúningi.

Hér að neðan að neðan má sjá myndir sem teknar voru í teiti sem haldið var í Hörpunni í gær.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.