Innlent

Tólf draga sig úr kokkalandsliðinu

Atli Ísleifsson skrifar
Kokkalandsliðið kynnir íslenska matargerð víða um heim.
Kokkalandsliðið kynnir íslenska matargerð víða um heim. Mynd/kokkalandsliðið

Tólf kokkar hafa ákveðið að draga sig úr kokkalandsliðinu vegna ákvörðunar Klúbbs matreiðslumeistara að gera styrktarsamning við fiskeldisfélagið Arnarlax.



Frá þessu greina umræddir kokkar á Facebook síðum sínum. Segjast þeir sem kokkalandsliðsmenn og kokkalandslið mótmæla ákvörðun stjórnar kokkalandliðsins að gera samning við „fyrirtæki sem framleiði lax í opnu sjókvíaeldi“. Slíkir framleiðsluhættir séu ógn við villta lax- og silungastofna og hafi margvísleg neikvæð umhverfisáhrif á lífríki Íslands.



„Ég nota eingöngu afurðir sem framleiddar eru á sjálfbæran hátt og í sátt við náttúruna og get ekki tekið þátt í því að kynna, fyrir hönd Íslands, vörur sem framleiddar eru með þessum hætti. Ég hef því ákveðið að draga mig út úr kokkalandsliðinu að svo stöddu.“



Undir þessa yfirlýsingu rita eftirfarandi:



Garðar Kári Garðarsson Kokkalandsliðsmaður 2011-2018

Ylfa Helgadóttir  Kokkalandsliðsmaður 2013-2018

Snædis Xyza Mae Jónsdóttir  Kokkalandsliðsmaður 2017-2018

Kara Guðmundsdóttir  Kokkalandsliðsmaður 2017-2018

Snorri Victor Gylfason  Kokkalandsliðsmaður 2017-2018

Fanney Dóra Sigurjónsdóttir  Kokkalandsliðsmaður 2017-2018

Ari Þór Gunnarsson Kokkalandsliðsmaður 2014 - 2018

Georg Arnar Halldorson Kokkalandsliðsmaður 2015-2018

Viktor Örn Andrésson  Kokkalandsliðsmaður 2010 -2018

Sigurjón Bragi Geirsson  Kokkalandsliðsmaður 2017-2018

Jóhannes Steinn Jóhannesson Kokkalandsliðsmaður 2008-2018

Þorsteinn Geir Kristinsson Kokkalandsliðsmaður 2017-2018“



Fyrr í kvöld greindi meistarakokkurinn Sturla Birgisson frá því að hann hefði sagt sig úr Klúbbi matreiðslumeistara vegna umrædds samnings. Lýsti hann samningnum sem verstu uppákomuna í sögu klubbsins.



Haldið var hóf í tilefni samstarfs Arnarlax og Kokkalandsliðsins í Hörpu í gær. Að neðan má sjá myndir frá hófinu.


Tengdar fréttir

Hörkupartý í Hörpunni

Klúbbur matreiðslumeistara og Arnarlax hafa undirritað samstarfssamning á Kolabrautinni í Hörpu við hátíðlega athöfn í gær.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×