Erlent

Boris Johnson og langþreytt eiginkona hans skilja eftir enn eitt framhjáhaldið

Gunnar Hrafn Jónsson skrifar
Það verður verkefni óháðrar nefndar Íhaldsflokksins að meta hvort Boris Johnson hafi brotið gegn siðareglum flokksins.
Það verður verkefni óháðrar nefndar Íhaldsflokksins að meta hvort Boris Johnson hafi brotið gegn siðareglum flokksins. Vísir/getty

Boris Johnson, fyrrverandi utanríkisráðherra Bretlands, er að skilja við eiginkonu sína Marinu Wheeler. Þau hafa verið hjón í 25 ár og eiga saman fjögur börn en Wheeler hefur þurft að þola margt á þessum aldarfjórðungi.

Johnson hefur ítrekað orðið uppvís að framhjáhaldi og hefur verið greint frá því í miklum smáatriðum í breskum fjölmiðlum. Hefur hann meðal annars eignast barn með einni hjákonu sinni.

Eitt sinn, þegar fjölmiðlar sátu fyrir Johnson fyrir utan heimili hans eftir enn eina fréttina um framhjáhald hans, kom hann að læstum dyrum þar sem Wheeler hafði látið skipta um skrá á útidyrahurðinni eftir að henni bárust fréttirnar.

Óstaðfestar fregnir herma að ástæðan fyrir skilnaðinum nú sé enn eitt framhjáhaldið.

Johnson hefur lengi verið orðaður við leiðtogasæti í Íhaldsflokksins og telja margir hann líklegt forsætisráðherraefni í framtíðinni. Theresa May, núverandi leiðtogi og forsætisráðherra, er sögð langþreytt á þeim mikla áhuga sem fjölmiðlar sýna Johnson.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.