Bíó og sjónvarp

Jóhannes Haukur mættur til Óslóar á vegum HBO en Netflix gengur fyrir

Kristín Ólafsdóttir skrifar
Jóhannes Haukur hefur verið að gera það gott í útlöndum að undanförnu.
Jóhannes Haukur hefur verið að gera það gott í útlöndum að undanförnu. Vísir/vilhelm

Leikarinn Jóhannes Haukur Jóhannsson er nú kominn til Óslóar í Noregi þar sem hann mun leika í þáttaröðinni Fremvandrerne, sem framleidd er af HBO Nordic. Um er að ræða eina umfangsmestu sjónvarpsframleiðslu Norðmanna frá upphafi. Leikkonan Ágústa Eva Erlendsdóttir mun einnig fara með hlutverk í þáttunum.

„Maður leikur norðmann í einni Netflix seríu og viti menn. Skandinavíski markaðurinn opnast med det samme!“ skrifar Jóhannes Haukur í færslu á Facebook-síðu sinni, og greinir jafnframt frá því að hann muni leika í umræddri þáttaröð.

„Takk Árni hjá CAI fyrir loka dílnum við HBO Nordic (í samstarfi við Netflix en þeir eiga víst allskyns forgang á manni núna). Það er gott að vera með gott fólk í kringum sig,“ bætir Jóhannes Haukur við. Hann þakkar þar framleiðandanum Árna Birni Helgasyni fyrir umræddan samning.

Jóhannes Haukur sagði í samtali við RÚV í dag að hann og Ágústa Eva færu með hlutverk víkinga í Fremvandrerne. Þau birtist skyndilega í Noregi nútímans og í kjölfarið komi í ljós að þau séu tímaflakkarar.

Jóhannes Haukur lék Norðmanninn Steinar í sjónvarpsþáttunum The Innocents úr smiðju Netflix, sem gerast einnig í Noregi. Hann ætti því að vera kunnugur staðarháttum nú þegar tökur á Fremvandrerne eru hafnar.


Tengdar fréttir

Vin Diesel hrósaði Jóhannesi Hauki ítrekað

"Þetta byrjaði allt haustið 2014, þá fékk ég símtal frá bandaríska umboðsmanninum sem ég var búinn að hafa í fjögur ár. Hann hringir í mig og spyr mig hvort ég komist til Marokkó eftir fjórar vikur.“

Jóhannes Haukur verður vondi kallinn í Bloodshot

Tilkynnt var fyrir helgi að Jóhannes Haukur Jóhannesson hefði verið valinn til að leika í risamynd Sony um Bloodshot. Upptökur hefjast síðar í júlí og taka rúman mánuð. Hann er nú í Suður-Afríku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.