Wow Air gefur út skuldabréf fyrir allt að 13 milljarða og stefnir á skráningu í Frankfurt Þorbjörn Þórðarson skrifar 7. september 2018 21:00 Skúli Mogensen, stofnandi og forstjóri Wow Air. Vísir/Anton Brink Samkvæmt skilmálum skuldabréfaútboðs Wow Air, sem Vísir hefur undir höndum, gefur félagið út skuldabréf fyrir allt að 100 milljónir evra, jafnvirði 13 milljarða króna. Þá stefnir Wow Air á skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er.“ Samkvæmt skilmálunum þarf Wow Air að standast ströng álagspróf vegna eiginfjár og lausafjár og þarf að bæta upplýsingagjöf til fjárfesta. Skuldabréfin verða gefin út til þriggja ára og eru þau tryggð með veði í öllum hlutabréfum í Wow Air og dótturfélaga þess. Nafnverð hvers bréfs nemur 100.000 evrum, jafnvirði 13 milljóna króna og ber það 3 mánaða Euribor-vexti (-0,319 prósent) auk vaxtaálags sem áður hefur verið upplýst um að verði 9 prósent en er ekki tilgreint í skilmálunum sjálfum. Vextir upp á 9 prósent þykir býsna gott eins og aðstæður eru núna að sögn sérfræðinga á fjármálamarkaði sem Vísir hefur rætt við. Eins og fram hefur komið er það norska verðbréfafyrirtækið Pareto Securities sem annast skuldabréfaútboðið fyrir Wow Air. Þarf að standast ströng álagspróf Í skilmálum koma fram lánaskilmálar með gjaldfellingarheimildum sem kveða á um að framkvæmd sérstakra álagsprófa þar sem bæði lausfjár- og eiginfjárstaða Wow Air má ekki fara undir tiltekin mörk. Þar kemur fram að álagspróf vegna eiginfjár muni fara fram árlega í lok þriðja ársfjórðungs og í því megi eigið fé Wow Air ekki fara undir 25 milljónir dollara, janvirði 2,8 milljarða króna, fyrstu 12 mánuði eftir útgáfudag skuldabréfs. Og ekki undir 30 milljónir dollara í ár þar á eftir. Tveimur árum eftir útgáfudag má eigið fé ekki vera undir 35 milljónum dollara, jafnvirði 3,9 milljarða króna. Áður hefur verið upplýst að eigið fé Wow Air var 1,5 milljarðar króna í lok júní síðastliðins. Fyrsta álagspróf vegna eigin fjár á að fara fram hinn 30. september næstkomandi. Afsláttur á hlutabréfum gæti hækkað upp í 25% Þá verður fjárfestum sem kaupa skuldabréfin gert kleift að skrá sig fyrir kauprétti að hlutabréfum í Wow Air sem nema helmingi af nafnverði skuldabréfs sem þeir kaupa. Gildir kauprétturinn í 5 ár frá útgáfudegi skuldabréfs. Þá munu þeir fá hlutabréfin í fyrirhugaðri skráningu félagsins á verði sem verður 20 prósent lægra en skráningargengi náist að skrá Wow Air á hlutabréfamarkað innan tveggja ára frá útgáfudegi skuldabréfanna. Náist það ekki hækkar þessi afsláttur á hlutabréfunum upp í 25 prósent eftir að tvö ár eru liðin frá útgáfudegi og fram að lokum gildistíma kaupréttarins, þ.e. 5 ár frá útgáfudegi. Í sérstakri greiningu sem Pareto Securities vann vegna skuldabréfaútboðsins fyrir sléttri viku, hinn 31. ágúst, kemur fram að Wow Air stefni að skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er.“Þá tekur Wow Air á sig ýmsar skuldbindingar í formi bættrar upplýsingagjafar til fjárfesta. Wow Air skuldbindur sig til að birta endurskoða ársreikninga á heimasíðu félagsins eigi síðar en 4 mánuðum eftir lok hvers rekstrarárs. Þetta verður talsverð breyting enda hefur félagið ekki enn skilað ársreikningi fyrir árið 2017. Stefna á skráningu í hlutabréfamarkað í kauphöllinni í Frankfurt Það hefur um nokkra hríð legið fyrir að Wow Air stefni á skráningu á hlutabréfamarkað og eins og er rakið er framar fá fjárfestar sem kaupa skuldabréf í útboðinu, sem nú stendur yfir, bæði kauprétt að hlutabréfum þegar félagið verður skráð og afslátt af skráningargengi þegar þar að kemur. Skúli Mogensen, stofnandi og forstjóri Wow Air, hefur áður upplýst að það komi til greina að skrá félagið í erlendri kauphöll. Fram kemur í nýrri greiningu (credit analysis) sem unnin var af Pareto Securities fyrir skuldabréfaútboðið hinn 31. ágúst sl. og Vísir hefur undir höndum að Wow Air stefni á skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er“ eftir að skuldabréfaútboðinu lýkur. Þá kemur fram í þessari sömu greiningu að Wow Air stefnir að því að stækka flugflota sinn á næstu 18 mánuðum til að þjónusta flug til og frá Indlandi en Indlandsmarkaður sé sá markaður sem sé í hvað örustum vexti í flugi á heimsvísu. Þar segir jafnframt að Wow Air verði fyrsta evrópska flugfélagið sem muni fljúga í beinu flugi frá Indlandi til Vestur-Evrópu og Bandaríkjanna. Skuldabréfaútboðinu átti að ljúka í dag en ekki liggur fyrir hver eftirspurnin var í því. Samkvæmt upplýsingum Vísis var útboðið kynnt fyrir öllum helstu lífeyrissjóðum landsins áður en ráðist var í kynningu á því erlendis en ekki hefur fengist staðfest að neinn þeirra hafi tekið þátt. Ekki hefur náðst í Skúla Mogensen vegna málsins í dag. Þá hefur hann ekki svarað ítrekuðum fyrirspurnum fréttastofu Stöðvar 2 og Vísis vegna málsins. Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Ný kynslóð vélmenna vekur óhug Viðskipti erlent Ljúfustu stundirnar þegar allir eru saman í hjónarúminu Atvinnulíf Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira
Samkvæmt skilmálum skuldabréfaútboðs Wow Air, sem Vísir hefur undir höndum, gefur félagið út skuldabréf fyrir allt að 100 milljónir evra, jafnvirði 13 milljarða króna. Þá stefnir Wow Air á skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er.“ Samkvæmt skilmálunum þarf Wow Air að standast ströng álagspróf vegna eiginfjár og lausafjár og þarf að bæta upplýsingagjöf til fjárfesta. Skuldabréfin verða gefin út til þriggja ára og eru þau tryggð með veði í öllum hlutabréfum í Wow Air og dótturfélaga þess. Nafnverð hvers bréfs nemur 100.000 evrum, jafnvirði 13 milljóna króna og ber það 3 mánaða Euribor-vexti (-0,319 prósent) auk vaxtaálags sem áður hefur verið upplýst um að verði 9 prósent en er ekki tilgreint í skilmálunum sjálfum. Vextir upp á 9 prósent þykir býsna gott eins og aðstæður eru núna að sögn sérfræðinga á fjármálamarkaði sem Vísir hefur rætt við. Eins og fram hefur komið er það norska verðbréfafyrirtækið Pareto Securities sem annast skuldabréfaútboðið fyrir Wow Air. Þarf að standast ströng álagspróf Í skilmálum koma fram lánaskilmálar með gjaldfellingarheimildum sem kveða á um að framkvæmd sérstakra álagsprófa þar sem bæði lausfjár- og eiginfjárstaða Wow Air má ekki fara undir tiltekin mörk. Þar kemur fram að álagspróf vegna eiginfjár muni fara fram árlega í lok þriðja ársfjórðungs og í því megi eigið fé Wow Air ekki fara undir 25 milljónir dollara, janvirði 2,8 milljarða króna, fyrstu 12 mánuði eftir útgáfudag skuldabréfs. Og ekki undir 30 milljónir dollara í ár þar á eftir. Tveimur árum eftir útgáfudag má eigið fé ekki vera undir 35 milljónum dollara, jafnvirði 3,9 milljarða króna. Áður hefur verið upplýst að eigið fé Wow Air var 1,5 milljarðar króna í lok júní síðastliðins. Fyrsta álagspróf vegna eigin fjár á að fara fram hinn 30. september næstkomandi. Afsláttur á hlutabréfum gæti hækkað upp í 25% Þá verður fjárfestum sem kaupa skuldabréfin gert kleift að skrá sig fyrir kauprétti að hlutabréfum í Wow Air sem nema helmingi af nafnverði skuldabréfs sem þeir kaupa. Gildir kauprétturinn í 5 ár frá útgáfudegi skuldabréfs. Þá munu þeir fá hlutabréfin í fyrirhugaðri skráningu félagsins á verði sem verður 20 prósent lægra en skráningargengi náist að skrá Wow Air á hlutabréfamarkað innan tveggja ára frá útgáfudegi skuldabréfanna. Náist það ekki hækkar þessi afsláttur á hlutabréfunum upp í 25 prósent eftir að tvö ár eru liðin frá útgáfudegi og fram að lokum gildistíma kaupréttarins, þ.e. 5 ár frá útgáfudegi. Í sérstakri greiningu sem Pareto Securities vann vegna skuldabréfaútboðsins fyrir sléttri viku, hinn 31. ágúst, kemur fram að Wow Air stefni að skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er.“Þá tekur Wow Air á sig ýmsar skuldbindingar í formi bættrar upplýsingagjafar til fjárfesta. Wow Air skuldbindur sig til að birta endurskoða ársreikninga á heimasíðu félagsins eigi síðar en 4 mánuðum eftir lok hvers rekstrarárs. Þetta verður talsverð breyting enda hefur félagið ekki enn skilað ársreikningi fyrir árið 2017. Stefna á skráningu í hlutabréfamarkað í kauphöllinni í Frankfurt Það hefur um nokkra hríð legið fyrir að Wow Air stefni á skráningu á hlutabréfamarkað og eins og er rakið er framar fá fjárfestar sem kaupa skuldabréf í útboðinu, sem nú stendur yfir, bæði kauprétt að hlutabréfum þegar félagið verður skráð og afslátt af skráningargengi þegar þar að kemur. Skúli Mogensen, stofnandi og forstjóri Wow Air, hefur áður upplýst að það komi til greina að skrá félagið í erlendri kauphöll. Fram kemur í nýrri greiningu (credit analysis) sem unnin var af Pareto Securities fyrir skuldabréfaútboðið hinn 31. ágúst sl. og Vísir hefur undir höndum að Wow Air stefni á skráningu á hlutabréfamarkað í kauphöllinni í Frankfurt í Þýskalandi „eins fljótt og hægt er“ eftir að skuldabréfaútboðinu lýkur. Þá kemur fram í þessari sömu greiningu að Wow Air stefnir að því að stækka flugflota sinn á næstu 18 mánuðum til að þjónusta flug til og frá Indlandi en Indlandsmarkaður sé sá markaður sem sé í hvað örustum vexti í flugi á heimsvísu. Þar segir jafnframt að Wow Air verði fyrsta evrópska flugfélagið sem muni fljúga í beinu flugi frá Indlandi til Vestur-Evrópu og Bandaríkjanna. Skuldabréfaútboðinu átti að ljúka í dag en ekki liggur fyrir hver eftirspurnin var í því. Samkvæmt upplýsingum Vísis var útboðið kynnt fyrir öllum helstu lífeyrissjóðum landsins áður en ráðist var í kynningu á því erlendis en ekki hefur fengist staðfest að neinn þeirra hafi tekið þátt. Ekki hefur náðst í Skúla Mogensen vegna málsins í dag. Þá hefur hann ekki svarað ítrekuðum fyrirspurnum fréttastofu Stöðvar 2 og Vísis vegna málsins.
Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Ný kynslóð vélmenna vekur óhug Viðskipti erlent Ljúfustu stundirnar þegar allir eru saman í hjónarúminu Atvinnulíf Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira