Handbolti

Rhein-Necker Löwen enn taplausir - Arnór heldur áfram að skora

Bjarni Þórarinn Hallfreðsson skrifar
Arnór er að byrja feikilega vel í úrvalsdeildinni
Arnór er að byrja feikilega vel í úrvalsdeildinni mynd/dhb
Rhein-Neckar Löwen vann öruggan sigur í þýsku úrvalsdeildinni í dag og Arnór Þór Gunnarsson heldur áfram að raða inn mörkum en hann setti sjö mörk í dag.



Alexander Petersson skoraði þrjú mörk fyrir Rhein-Neckar Löwen en ljónin unnu öruggan 15 marka sigur á Bietigheim, 36-21.



Guðjón Valur Sigurðsson komst ekki á blað í leiknum í dag. Ljónin hafa byrjað vel í deildinni í vetur en þeir eru enn taplausir eftir fjórar umferðir.



Arnór Þór Gunnarsson heldur áfram að raða inn mörkum fyrir nýliða Bergischer.



Arnór skoraði sjö mörk í dag en það dugði þó ekki til því Bergischer töpuðu gegn Magdeburg, 32-27. Þetta var annað tap Bergischer í vetur en þeir hafa einnig unnið tvo leiki.




Fleiri fréttir

Sjá meira


×