Fótbolti

Hannes og Arnór í riðlakeppnina en Viðar úr leik

Anton Ingi Leifsson skrifar
Viðar og félagar fagna marki.
Viðar og félagar fagna marki. vísir/getty
Hannes Þór Halldórsson og Arnór Ingvi Traustason eru komnir í riðlakeppni Evrópudeildarinnar en Viðar Örn Kjartansson er úr leik.

Hannes Þór var ekki í leikmannahópi Qarabag sem vann síðari leikinn gegn Vals-bönunum í Sheriff, 3-0, eftir að hafa tapað fyrri leiknum 1-0.

Viðar Örn Kjartansson spilaði fyrri hálfleikinn er Maccabi Tel Aviv vann 2-1 sigur á Sarpsborg í síðari leiknum en það dugði ekki til því Sarpsborg vann fyrri leikinn 3-1.

Sarpsborg sló einmitt út ÍBV á leið sinni í riðlakeppnina og ótrúleg framganga norska liðsins heldur áfram. Verður fróðlegt að sjá hvaða lið Sarpsborg fær í riðlakeppninni.

Arnór Ingvi Traustason spilaði síðustu sex mínúturnar er Malmö vann 2-0 sigur á Midtjylland en fyrri leikurinn fór 2-2. Malmö því áfram, samanlagt 4-2.

Dregið verður í riðlakeppnina á morgun.




Fleiri fréttir

Sjá meira


×