Veiði

Af dyntóttum bleikjum í Hraunsfirði

Karl Lúðvíksson skrifar

Sjóbleikjuveiðin hefur verið góð á flestum svæðum sem við höfum verið að fá fregnir frá en eitt af þeim mest sóttu er Hraunsfjörður.

Við höfum verið að heyra í veiðimönnum sem hafa verið þar við veiðar undanfarið og margir eru að veiða ágætlega.  Við höfum heyrt af einum ágætum veiðimanni sem þekkir vatnið afar vel sem veiddi 16 bleikjur í beit en það var ekki fyrr en rétta flugan var komin undir, þ.e.a.s. flugan sem bleikjan vildi taka þá stundina.  Það þarf nefnilega oft að fara í gegnum ansi margar flugur þangað til flugan sem bleikjan vill taka er fundinn og það getur tekið aðeins á þegar það er mikið af bleikju af vaka allt um kring.

Það sem hefur verið að gefa best í Hraunsfirði eru litlar flugur sem líkjast marfló og þá helst í grænum eða brúngrænum lit.  Lítill peacock í stærðum 16-18# hefur líka gefið ágætlega en að auki við rétta flugu er lykilatriði að draga afar hægt inn og leyfa flugunni að veiða djúpt.  Það er að sögn veiðimanna mikið af bleikju í Hraunsfirði og um að gera að nýta þessa daga þar sem það er spáð skýjuðu veðri að ná sér í nokkrar bleikjur á grillið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.