Veiði

Gæsaveiðin fer vel af stað

Karl Lúðvíksson skrifar

Gæsaveiðitímabilið hófst í gær og af fyrstu fregnum að dæma gengur skyttum landsins vel á þessum fyrsta degi.

Það er mest sótt í heiðagæs í upphafi tímabils en samkvæmt talningum er stofninn í sögulegu hámarkiog það er mjög mikið af gæs á veiðislóð.  Við höfum fregnir af þremur hópum gæsaveiðimanna sem eru á heiðagæs og tala þeir allir um að það sé mikið af fugli og að hún sé feit og vel haldin.  Það hefur viðrað ágætlega og þær veiðitölur sem við höfum af þessum þremur hópum eru svipaðar en eftir kvöldflugið í gær voru tveir hópar sem voru við Blöndulón komnir með um 40 fugla hvor og þriðji hópurinn sem taldi þrjár skyttur með 34 fugla á heiðum norður við Húsavík.  1. september hefst síðan veiði á önd og það er stöðug fjölgun á mönnum sem sækja í öndina enda ein besta villibráð sem hægt er að komast í.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.