Erlent

Vatn á yfirborði tunglsins

Samúel Karl Ólason skrifar
Ísinn fannst í gígum við póla tunglsins og á stöðum þar sem sólin nær nánast aldrei til.
Ísinn fannst í gígum við póla tunglsins og á stöðum þar sem sólin nær nánast aldrei til. Vísir/NASA

Geimvísindamenn segjast hafa sannreynt með afgerandi hætti að finna má frosið vatn á yfirborði tunglsins. Ísinn er að finna við báða póla tunglsins og gæti nýst mönnum ef/þegar þeir ferðast aftur til tunglsins. Ísinn fannst í gígum við póla tunglsins og á stöðum þar sem sólin nær nánast aldrei til.

Það var löngu vitað að finna mætti vatn á tunglinu. Árið 2008 greindu vísindamenn sýni frá tunglinu sem geimfarar Apollo 15 söfnuðu og komust að því að þar mátti finna vatn. Frekari upplýsingar um leitina að vatni á tunglinu má finna hér á Space.com.

Vísindamennirnir sem fundu ísinn notuðust við gervihnött NASA sem heitir Moon Mineralogy Mapper eða M3. Með gervihnettinum gátu þeir greint vatn í fljótandi formi, gufu eða ís.

„Með nægjanlegan ís á yfirborðinu (innan nokkurra millimetra) væri vatn nýtanlegt fyrir framtíðar leiðangra til að kanna og jafnvel setjast að á tunglinu, og mögulega væri auðveldara að nálgast það en vatn sem greinst hefur undir yfirborði tunglsins,“ segir á vef NASA.

Vísindamenn NASA ætla sér að rannsaka ísinn frekar og reyna að komast að því hvaðan vatnið kemur og ýmislegt fleira.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.