Viðskipti innlent

S4S keypti allt hlutafé í Ellingsen fyrir tæpar 250 milljónir króna

Kristinn Ingi Jónsson skrifar
Úr verslun Ellingsen úti á Granda.
Úr verslun Ellingsen úti á Granda. Vísir/Pjetur

Verslunarrisinn S4S keypti allt hlutafé í útivistarversluninni Ellingsen fyrir tæpar 246 milljónir króna, að því er fram kemur í nýbirtum ársreikningi félagsins fyrir síðasta ár. Kaupin á Ellingsen, sem rekur tvær verslanir, annars vegar á Akureyri og hins vegar í Reykjavík, gengu í gegn í maí í fyrra.

Ellingsen er rekið sem dótturfélag S4S en síðarnefnda félagið rekur meðal annars verslanir Steinars Waage, Kaupfélagið, Ecco og Skechers, auk netverslana. Seljandinn var Sjávarsýn, fjárfestingarfélag Bjarna Ármannssonar, en samhliða kaupunum fór eignarhlutur félagsins í S4S úr 26 prósentum í 40 prósent. Pétur Þór Halldórsson á jafnframt 40 prósenta hlut í verslunarrisanum en þeir Hermann Helgason framkvæmdastjóri og Georg Kristjánsson fara með tíu prósenta hlut hvor.

Í ársreikningi S4S kemur jafnframt fram að afkoma Ellingsen hafi verið jákvæð um 13,3 milljónir króna á síðasta ári. Var eigið fé útivistarverslunarinnar liðlega 82 milljónir króna.

S4S hagnaðist um ríflega 102 milljónir króna í fyrra en rekstrartekjur verslunarfélagsins voru um 3.197 milljónir króna á árinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.