Handbolti

Selfoss semur við danskan hornamann

Tómas Þór Þórðarson skrifar
Sarah Boye í Selfosslitunum.
Sarah Boye í Selfosslitunum. mynd/selfoss
Selfoss er búið að bæta við sig dönskum leikmanni fyrir átökin í Olís-deild kvenna í vetur.

Sarah Boye, 21 árs gamall örvhentur hornamaður, er búinn að semja við Selfyssinga, að því fram kemur í fréttatilkynningu frá félaginu.

Hún spilaði síðast með HIH Herning Ikast Håndbold í Danmörku og verður góður liðsstyrkur fyrir Selfyssinga hægra megin á vellinum.

Það hafa ekki verið miklar breytingar á Selfossliðinu frá síðustu leiktíð en áður var liðið búið að fá Katrínu Ósk Magnúsdóttur heim frá Danmörku.

Eftir tvö ár í fallbaráttunni horfir til betri vegar hjá kvennaliði Selfoss en stórskyttan og markadrottningin Hrafnhildur Hanna Þrastardóttir er komin á fullt eftir erfið meiðsli.

Selfyssingar unnu Ragnarsmót kvenna á heimavelli á dögunum þar sem Hrafnhildur Hanna var markahæst og útnefnd besti leikmaður mótsins.


Tengdar fréttir

Hrafnhildur Hanna minnti á sig á Ragnarsmótinu

Kvennalið Selfoss byrjar handboltavertíðina vel en liðið vann alla þrjá leiki sína á Ragnarsmóti kvenna. Liðið er búið að endurheimta markadrottninguna sína úr erfiðum meiðslum.




Fleiri fréttir

Sjá meira


×