Valdakonur vega móti karlaveldi fortíðar Gunnþórunn Gunnarsdóttir skrifar 23. ágúst 2018 07:00 Ásdís Ólafsdóttir, sýningarstjóri nýrrar sýningar í Listasafni Árnesinga í Hveragerði. „Við ákváðum að setja upp verk fjögurra núlifandi listamanna og láta þau kallast á við verk Halldórs Einarssonar sem tilheyra safneigninni,“ segir Ásdís Ólafsdóttir, sýningarstjóri nýrrar sýningar í Listasafni Árnesinga í Hveragerði. Þar varpa verk listamannanna Önnu Hallin, Birgis Snæbjörns Birgissonar, Guðjóns Ketilssonar og Rósu Sigrúnar Jónsdóttur nýju ljósi á tréskurð og teikningar Halldórs Einarssonar (1893-1977).Teikning eftir Önnu Hallin.„Halldór var fæddur í Brandshúsum í Flóa 1893, hann lærði tréskurð og teikningu og síðar gerði hann líka verk í marmara og stein. Hann flutti 1922 til Vesturheims en á efri árum flutti hann heim aftur og lést árið 1977 en áður gaf hann safninu verk sín, ásamt peningum. Það var önnur tveggja stofngjafa Listasafns Árnesinga,“ segir Ásdís. Hún kveðst hafa byrjað á að velja úr verkum Halldórs, svo hafi tekið við pælingar um hvað passaði best með þeim.Hár, hluti af stærra verki eftir Guðjón Ketilsson frá 2001, 26 cm í þvermál.„Guðjón Ketilsson er sá listamaður sem hvað mest hefur unnið í við. Hann er með gólfverk sem heitir Hár, annað verk nefnist Verkfærin og svo er skápur frá honum líka. Það passar vel, því Halldór vann við að skera út húsgögn í Bandaríkjunum. Hann skar einnig út dýr og plöntur enda bjó hann úti í skógi fyrir utan Chicago. Því var sterk náttúrutenging í að fá Rósu Sigrúnu Jónsdóttur hingað með textílverk, hún heklar meðal annars íslenskar lækningajurtir.“Hér hefur Rósa Sigrún beitt heklunálinni af snilld og skapað blóm og aðrar plöntur. Mynd/Páll Ásgeir ÁsgeirssonSíðan er það pólitíska deildin sem Ásdís lýsir. „Þótt Halldór byggi ytra fylgdist hann með því sem gerðist á Íslandi og í kringum 1960 skar hann út litlar standmyndir af þeim 52 þingmönnum sem kosnir voru á þing lýðveldisárið 1944. Okkur fannst því tilvalið að tefla fram myndum Birgis Snæbjörns Birgissonar af þingmönnum sem settust á þing 2013. Þeir eru allir ljóshærðir og bláeygir en þó er hægt að þekkja hvern og einn. Verkið nefnist Von, það er í eigu Listasafns Íslands og við fengum það lánað.“Tryggur, standmynd úr tré eftir Halldór Einarsson. 48x30 cm.Salurinn er tileinkaður valdinu og lýðræðinu. Þar eru einnig myndir eftir Halldór af fyrirmönnum og ýmsu fólki. Því var Anna Hallin fengin með postulínsfígúrur og blekteikningar, að sögn Ásdísar. „Anna gerði sérstakt verk fyrir sýninguna sem nefnist Valdakonur. Það eru brjóstmyndir af Vigdísi Finnbogadóttur, Jóhönnu Sigurðardóttur og Katrínu Jakobsdóttur. Þær vega upp á móti karlaveldinu hans Halldórs úr fortíðinni.“ Sýningin Frá mótun til muna er í hluta safnsins. Kjarni hennar er heimildarmynd um námskeið í rakúbrennslu en einnig eru verk eftir níu leirlistamenn sem allir voru þátttakendur á námskeiðinu. Sýningarnar standa til 21. október. Þúsund gestir á öllum aldri heimsóttu þær fyrstu fjóra dagana. Nú á sunnudaginn, 26. ágúst, verður Ásdís þar með leiðsögn sem hefst klukkan 14. Listasafn Árnesinga er opið frá 12 til 18 alla daga, þar til í október þegar vetraropnun, sem er fimmtudaga til sunnudaga, tekur við. Aðgangur er ókeypis. Fornminjar Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Sandler vinnur að Happy Gilmore 2 Bíó og sjónvarp Svar við spurningu lesanda: Hvað má fróa sér oft í viku? Lífið Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Barnalán hjá Batman Lífið Handboltagoðsögn selur glæsihús í Garðabæ Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira
„Við ákváðum að setja upp verk fjögurra núlifandi listamanna og láta þau kallast á við verk Halldórs Einarssonar sem tilheyra safneigninni,“ segir Ásdís Ólafsdóttir, sýningarstjóri nýrrar sýningar í Listasafni Árnesinga í Hveragerði. Þar varpa verk listamannanna Önnu Hallin, Birgis Snæbjörns Birgissonar, Guðjóns Ketilssonar og Rósu Sigrúnar Jónsdóttur nýju ljósi á tréskurð og teikningar Halldórs Einarssonar (1893-1977).Teikning eftir Önnu Hallin.„Halldór var fæddur í Brandshúsum í Flóa 1893, hann lærði tréskurð og teikningu og síðar gerði hann líka verk í marmara og stein. Hann flutti 1922 til Vesturheims en á efri árum flutti hann heim aftur og lést árið 1977 en áður gaf hann safninu verk sín, ásamt peningum. Það var önnur tveggja stofngjafa Listasafns Árnesinga,“ segir Ásdís. Hún kveðst hafa byrjað á að velja úr verkum Halldórs, svo hafi tekið við pælingar um hvað passaði best með þeim.Hár, hluti af stærra verki eftir Guðjón Ketilsson frá 2001, 26 cm í þvermál.„Guðjón Ketilsson er sá listamaður sem hvað mest hefur unnið í við. Hann er með gólfverk sem heitir Hár, annað verk nefnist Verkfærin og svo er skápur frá honum líka. Það passar vel, því Halldór vann við að skera út húsgögn í Bandaríkjunum. Hann skar einnig út dýr og plöntur enda bjó hann úti í skógi fyrir utan Chicago. Því var sterk náttúrutenging í að fá Rósu Sigrúnu Jónsdóttur hingað með textílverk, hún heklar meðal annars íslenskar lækningajurtir.“Hér hefur Rósa Sigrún beitt heklunálinni af snilld og skapað blóm og aðrar plöntur. Mynd/Páll Ásgeir ÁsgeirssonSíðan er það pólitíska deildin sem Ásdís lýsir. „Þótt Halldór byggi ytra fylgdist hann með því sem gerðist á Íslandi og í kringum 1960 skar hann út litlar standmyndir af þeim 52 þingmönnum sem kosnir voru á þing lýðveldisárið 1944. Okkur fannst því tilvalið að tefla fram myndum Birgis Snæbjörns Birgissonar af þingmönnum sem settust á þing 2013. Þeir eru allir ljóshærðir og bláeygir en þó er hægt að þekkja hvern og einn. Verkið nefnist Von, það er í eigu Listasafns Íslands og við fengum það lánað.“Tryggur, standmynd úr tré eftir Halldór Einarsson. 48x30 cm.Salurinn er tileinkaður valdinu og lýðræðinu. Þar eru einnig myndir eftir Halldór af fyrirmönnum og ýmsu fólki. Því var Anna Hallin fengin með postulínsfígúrur og blekteikningar, að sögn Ásdísar. „Anna gerði sérstakt verk fyrir sýninguna sem nefnist Valdakonur. Það eru brjóstmyndir af Vigdísi Finnbogadóttur, Jóhönnu Sigurðardóttur og Katrínu Jakobsdóttur. Þær vega upp á móti karlaveldinu hans Halldórs úr fortíðinni.“ Sýningin Frá mótun til muna er í hluta safnsins. Kjarni hennar er heimildarmynd um námskeið í rakúbrennslu en einnig eru verk eftir níu leirlistamenn sem allir voru þátttakendur á námskeiðinu. Sýningarnar standa til 21. október. Þúsund gestir á öllum aldri heimsóttu þær fyrstu fjóra dagana. Nú á sunnudaginn, 26. ágúst, verður Ásdís þar með leiðsögn sem hefst klukkan 14. Listasafn Árnesinga er opið frá 12 til 18 alla daga, þar til í október þegar vetraropnun, sem er fimmtudaga til sunnudaga, tekur við. Aðgangur er ókeypis.
Fornminjar Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Sandler vinnur að Happy Gilmore 2 Bíó og sjónvarp Svar við spurningu lesanda: Hvað má fróa sér oft í viku? Lífið Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Barnalán hjá Batman Lífið Handboltagoðsögn selur glæsihús í Garðabæ Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira