Körfubolti

Collin Pryor og Danero Thomas í æfingahóp landsliðsins

Ástrós Ýr Eggertsdóttir skrifar
Danero og Pryor í baráttunni fyrr í vetur. Þeir eru nú báðir samherjar í íslenska landsliðinu
Danero og Pryor í baráttunni fyrr í vetur. Þeir eru nú báðir samherjar í íslenska landsliðinu vísir/andri marinó

Tveir nýliðar eru í æfingahóp íslenska körfuboltalandsliðsins fyrir komandi leiki í forkeppni EM 2021. Fjórir leikmenn í hópnum hafa ekki leikið A-landsleik.

Landsliðsþjálfarinn Craig Pedersen boðaði 24 leikmenn til æfinga í lok mánaðarins. Collin Pryor og Danero Thomas eru nýliðar í hópnum en þeir fengu báðir íslenskan ríkisborgararétt í sumar.

Emil Barja og Kristján Leifur Sveinsson eru einnig í hópnum en hvorugur þeirra hefur spilað A-landsleik fyrir Ísland.

Ísland mætir Portúgal ytra 16. september í fyrsta leik sínum í forkeppni EuroBasket 2021 en fyrst spilar liðið tvo æfingaleiki við Noreg ytra í byrjun septemer.

Samkvæmt reglum FIBA má einn leikmaður leika með landsliði hverju sinni sem veittur hefur verið annar ríkisborgarréttur eftir 18 ára aldur en þann sem hann hafði frá fæðingu.

Pavel Ermolinskij gaf ekki kost á sér í verkfnið og Sigtryggur Arnar Björnsson er enn að ná sér af meiðslum. Jón Axel Guðmundsson og Breki Gylfason eru við nám í Bandaríkjunum og komast ekki frá. Dagur Kár Jónsson er við æfingar með sínu nýja liði í Austurríki.

Leikmannahópurinn sem boðaður eru til æfinga:
(Leikmenn eru merktir hjá þeim liðum sem þeir eru skráðir í hjá KKÍ)

Collin Pryor · Stjarnan
Danero Thomas · Tindastóll
Elvar Már Friðriksson · Denain, Frakkland
Emil Barja · Haukar
Emil Karel Einarsson · Þór Þorlákshöfn
Gunnar Ólafsson · Keflavík
Haukur Helgi Pálsson Briem · Nanterre 92, Frakkland
Hjálmar Stefánsson · Haukar
Hlynur Bæringsson · Stjarnan
Hörður Axel Vilhjálmsson · Keflavík
Jón Arnór Stefánsson · KR
Kári Jónsson · Barcelona, Spánn
Kristinn Pálsson · Njarðvík
Kristjan Leifur Sverrisson · Haukar
Kristófer Acox · Denain, Frakkland
Maciej Baginski · Njarðvík
Martin Hermannsson · Alba Berlin, Þýskaland
Matthías Orri Sigurðarson · ÍR
Ólafur Ólafsson · Grindavík
Pétur Rúnar Birgisson · Tindastóll
Ragnar Nathanaelsson · Njarðvík
Tómas Hilmarsson · Stjarnan
Tryggvi Hlinason · Monbus Obradorio/Valencia, Spánn
Ægir Þór Steinarsson · Stjarnan



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.