Veiði

Eldvatnsbotnar að detta inn

Karl Lúðvíksson skrifar
Elías Pétur með flottann birting úr Eldvatnsbotnum
Elías Pétur með flottann birting úr Eldvatnsbotnum

Sjóbirtingurinn er mættur í Eldvatnsbotnana, en það er lítið og skemmtilegt tveggja stanga sjóbirtingsvæði í Skaftafellssýslu þar sem oft er von á góðri veiði.
Eldvatnsbotnar hafa verið á uppleið síðustu ár eftir að öllum fiski hefur verið sleppt og það það í raun við um flest öll sjóbirtingssvæðin.  Eftir að kvóti var settur á eða veiðisvæðunum breytt í veitt og sleppt hefur birtingnum bæði fjölgað og hann stækkað.  Sjóbirtingur getur orðið allt að 20 ára er talið og nær á þeim tíma oft 100 sm stærð.  Eldvatnsbotnar hafa ekki alltaf verið mikið stundaðir upp á síðkastið  sem er skrítið í ljósi þess að veiðin hjá þeim sem renna þarna í haustveiði getur oft verið mjög góð.  Félagarnir Elías Pétur og Halli í Villimönnum eru nú við veiðar og eins og þeir orða það þá er bara mok! Uppistaðan í veiðinni eru sjóbirtingar 45-55 sm auk stærri fiska. Elías Pétur missti rétt í þessu rígvænan fisk sem hefur væntanlega verið milli 70 og 80 sm. Við hvetjum þá sem eru á Snapchat að fylgast með veiðiblogginu þeirra undir nafninu VILLIMENN.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.