Sport

Serena Williams má ekki keppa í gallanum sem „lét henni líða eins og ofurhetju“

Ástrós Ýr Eggertsdóttir skrifar
Williams í gallanum á Opna franska meistaramótinu fyrr á þessu ári
Williams í gallanum á Opna franska meistaramótinu fyrr á þessu ári Vísir/Getty

Serena Williams má ekki keppa í heilgalla á Opna franska meistaramótinu á komandi árum. Forráðamenn mótsins ætla að herða reglur um fataval.

Williams, besta tenniskona heims síðustu ár, mætti á Opna franska meistaramótið í ár í svörtum heilgalla sem „lét henni líða eins og ofurhetju.“ Hún sagði jafnframt að gallinn hjálpaði til við að eiga við blóðtappa, en hún lét næstum lífið vegna blóðtappa í fæðingu frumburðar hennar á síðasta ári.

Forráðamenn Opna franska mótsins eru hins vegar á því að þeir hafi leyft hlutunum að ganga of langt og gallar á borð við þann sem Williams klæddist verði ekki leyfilegir á næsta ári.

„Við verðum að virða leikinn og staðinn. Þetta verður ekki liðið lengur,“ sagði Bernard Giudicelli, formaður franska tennissambandsins.

Giudicelli fór ekki nákvæmlega út í hverjar reglurnar um fataval verða, en sagði þó að þær yrðu ekki eins stífar og á Wimbledon þar sem íþróttamennirnir verða að klæðast hvítu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.