Innlent

Leysigeisla beint að flugvél í aðflugi að Keflavík

Kristín Ólafsdóttir skrifar
Flugvél í aðflugi að Keflavíkurflugvelli. Mynd tengist fréttinni ekki beint.
Flugvél í aðflugi að Keflavíkurflugvelli. Mynd tengist fréttinni ekki beint. Vísir/Vilhelm

Lögreglunni á Suðurnesjum barst tilkynning frá áhöfn flugvélar um að leysigeisla hefði verið beint að vélinni er hún kom í aðflugi að Keflavík um helgina. Þetta kemur fram í tilkynningu frá lögreglunni á Suðurnesjum.

Talið var að geislinn hefði komið úr Keflavík en nákvæm staðsetning liggur ekki fyrir. Málið er til rannsóknar hjá lögreglunni á Suðurnesjum, sem undirstrikar að athæfi af þessu tagi er stórhættulegt.

Þá hafði lögreglan á Suðurnesjum afskipti af ökumanni um helgina, hvers bifreið hafði hafnað ofan á grashól og vó þar salt.

„Til bifreiðarinnar hafði sést fara í loftköstum upp á grashólinn þar sem hún sat svo föst,“ segir í tilkynningu lögreglu.

Ökumaðurinn er grunaður um ölvunarakstur og reyndist auk þess hafa verið sviptur ökuréttindum.

Nokkrir ökumenn til viðbótar voru grunaðir um akstur undir áhrifum vímuefna og reyndist einn þeirra vera sviptur ökuréttindum. Þessir ökumenn voru allir handteknir og færðir til sýna- og skýrslutöku á löreglustöð.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.