Erlent

Sakar Páfagarð um að hafa vitað af barnaníði presta

Kjartan Kjartansson skrifar
Leiðtogar kaþólsku kirkjunnar í Páfagarði eru sagðir hafa vitað af yfirhylmingu með kynferðisbrotum presta í Bandaríkjunum.
Leiðtogar kaþólsku kirkjunnar í Páfagarði eru sagðir hafa vitað af yfirhylmingu með kynferðisbrotum presta í Bandaríkjunum. Vísir/Getty
Dómsmálaráðherra Pennsylvaníuríkis í Bandaríkjunum fullyrðir að leiðtogar kaþólsku kirkjunnar hafi vitað af yfirhylmingu á ásökunum um kynferðislega misnotkun presta á sóknarbörnum. Hundruð presta eru sagðir hafa misnotað börn í Pennsylvaníu undanfarna áratugi.

Ákærudómstóll í Pennsylvaníu birti skýrslu með ásökununum fyrir tveimur vikum. Í henni kom fram að um þrjú hundruð prestar hefðu misnotað fleiri en þúsund börn í sex biskupsdæmum í ríkinu síðustu sjötíu árin. Kaþólskan kirkjan er sögð hafa hylmt yfir með prestunum, haldið leynd yfir þeim og þaggað þau niður.

Josh Shapiro, dómsmálaráðherra Pennsylvaníu, sagði í sjónvarpsviðtali í dag að hann gæti ekki fullyrt að Frans páfi hafi sjálfur vitað af yfirhylmingunni en að hann hefði vísbendingar um að Páfagarður hafi haft vitneskju um hana.

CNN-fréttastöðin hefur eftir talsmanni Páfagarðs að hann geti ekki tjáð sig um ásakanirnar án þess að vita meira um vísbendingarnar sem Shapiro vísaði til.


Tengdar fréttir

Páfinn tjáir sig ekki

Frans Páfi ætlar ekki að tjá sig um ásakanir þess efnis að hann hafi vitað af kynferðisbrotum innan kaþólsku kirkjunnar.




Fleiri fréttir

Sjá meira


×