Veiði

Veiði lokið í Veiðivötnum

Karl Lúðvíksson skrifar
Þessi 12 punda urriði úr Hraunvötnum var sá stærsti í sumar.
Þessi 12 punda urriði úr Hraunvötnum var sá stærsti í sumar.

Veiðitímabilinu er formlega lokið í Veiðivötnum og veiðin á þessu ári er nokkurn veginn á pari miðað við árið í fyrra.
Í síðustu viku stangveiðitímans komu 1.357 fiskar á land og var besta veiðin í Litlasjó.  Í Litlasjó fengust 688 fiskar í vikunni en færri fiskar komu úr öðrum vötnum enda fáir veiðimenn þar á ferð.  Alls veiddust 19.867 fiskar í Veiðivötnum á stangveiðitímanum, 9.609 urriðar og 10.258 bleikjur. Besta veiðin var í Litlasjó, 5.171 urriði komu þar á land og meðalþyngdin yfir 2 pund og heildarþyngd afla 10.966 kg. Þetta er betri veiði en undanfarin ár, og þarf að fara aftur til ársins 2012 til að finna hærri aflatölur úr Litlasjó. Næstmest veiddist í Snjóölduvatni, 5.003 fiskar, en þar var uppistaðan í veiðinni smábleikja þó svo stærri fiskar væru innanum. Stærsti fiskur sumarsins var 12,0 pd urriði úr Hraunvötnum sem veiddist í fyrstu veiðivikunni og mesta meðalþyngdin var 3,52 í Grænavatni.

Til samanburðar þá fengust alls 20.315 fiskar á stangveiðitímanum sumarið 2018, 8.482 urriðar og 11.833 bleikjur. Það sumar veiddust flestir fiskar í Snjóölduvatni, 6.825 en nokkru færri í Litlasjó, 4.936 fiskar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.