Matur

Kjúklingapasta á fimmtán mínútum

Stefán Árni Pálsson skrifar
Ómótstæðilegt kjúklingapasta að hættu Evu Laufeyjar.
Ómótstæðilegt kjúklingapasta að hættu Evu Laufeyjar.

Einfalt með Evu fór í loftið á Stöð 2 í kvöld en í þáttunum matreiðir Eva Laufey Kjaran Hermannsdóttir frábæra en á sama tíma einfalda rétti.

Uppskriftirnar verða ávallt aðgengilegar hér á Vísi. Hér að neðan má lesa hvernig maður gerir girnilegt kjúklingapasta á fimmtán mínútum.

„Matur á korteri. Það gerist mjög oft á mínu heimili að allt í einu er klukkan orðin mjög margt og ég ekki einu sinni búin að hugsa út í það hvað við eigum að borða, þess vegna er frábært að eiga uppskriftir sem eru þannig að það tekur enga og þá meina ég enga stund að útbúa. Það þarf nefnilega alls ekki að stökkva á eftir næsta skyndibita þar sem það getur verið fljótlegra að gera einfaldan rétt heima við,“ segir Eva Laufey.

Kjúklingapasta

Hráefni (fyrir fjóra):
  • 2 kjúklingabringur
  • 400 g penne heilhveitipasta
  • 1 msk ólífuolía
  • Salt og pipar, magn eftir smekk
  • Skvetta af sítrónusafi
  • 1 hvítlauksrif
  • 1/2 kúrbítur
  • 10 - 12 kirsuberjatómatar
  • 1 skammtur basilíkupestó, uppskrift hér að neðan
  • Parmesan ostur, magn eftir smekk

    Aðferð:
  1. Sjóðið pasta samkvæmt leiðbeiningum á pakkanum í vel söltu vatni.
  2. Skerið kjúklinabringurnar í tvennt, kryddið með salti og pipar og steikið upp úr olíu í um það bil fimm mínútur á hvorri hlið. Kreistið hálfa sítrónu yfir og bætið einu hvítlauksrifi út á pönnuna í lokin.
  3. Skerið niður kúrbít og kirsuberjatómata í tvennt, bætið út á pönnuna og léttsteikið þar til grænmetið er mjúkt í gegn.
  4. Útbúið pestóið samkvæmt uppskrift og aðferð hér að neðan.
  5. Skerið kjúklinginn í litla bita, bætið pestóinu saman við og kryddið gjarnan með meira af salti og pipar. Berið strax fram með nýrifnum parmesan.

Gómsætt basilíkupestó 

  • 1 búnt basilíka
    • 100 g ristaðar furuhnetur
    • 50 g ferskur parmesan ostur
    • Safinn úr hálfri límónu
    • Salt og pipar, magn eftir smekk
    • 1-2 dl ólífuolía, magn eftir smekk

Aðferð:
Setjið öll hráefnin í matvinnsluvél eða maukið með töfrasprota. Þið stjórnið þykktinni með ólífuolíunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.