Matur

Ofnbökuð bleikja með Teryaki sósu og hrásalati

Stefán Árni Pálsson skrifar
Yndisleg ofnbökuð bleikja.
Yndisleg ofnbökuð bleikja.

Einfalt með Evu fór í loftið á Stöð 2 í kvöld en í þáttunum matreiðir Eva Laufey Kjaran Hermannsdóttir frábæra en á sama tíma einfalda rétti. Uppskriftirnar verða ávallt aðgengilegar hér á Vísi.

Hér að neðan má lesa hvernig maður gerir réttinn.

„Matur í einum grænum – enn eitt dæmið um hvað er hægt að útbúa stórgóða máltíð á örfáum mínútum sem allir í fjölskyldunni elska,“ segir Eva Laufey.

Ofnbökuð bleikja með Teryaki sósu og hrásalati 

  • 4 flök bleikja
  • 1 msk ólífuolía + 1 tsk smjör
  • Salt og pipar
  • 6-8 msk Teriyaki sósa
  • 1 hvítlauksrif
  • 2 stilkar vorlaukur
  • 6 msk hreinn fetaostur
  • Ristuð sesamfræ

Aðferð:
  1. Hitið ofninn í 180°C.
  2. Leggið fiskinn á pappírsklædda ofnplötu.
  3. Saxið hvítlauk og vorlauk mjög smátt og blandið saman við teryaki sósuna. Penslið fiskinn með sósunni og það má fara vel af sósunni á fiskinn.
  4. Sáldrið ristuðum sesamfræjum yfir fiskinn og eldið í ofn við 180°C í 8 mínútur.
  5. Þegar fiskurinn er tilbúinn er frábært að mylja vel af fetaosti yfir og bera hann síðan fram með gómsætu hrásalati.

Hrásalat

  • ½ höfuð Hvítkál
  • ½ höfuð Rauðkál
  • 4 gulrætur
  • 4 radísur
  • Handfylli kóríander
  • Safi úr hálfri appelsínu

Aðferð:
  1. Skerið hráefnin afar smátt eða notið matvinnsluvél til þess að rífa hráefnin mjög smátt.
  2. Kreistið appelsínusafa og rífið niður kóríander yfir salatið í lokin.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.