Matur

Ómótstæðilegt bananatriffli á fimmtán mínútum

Stefán Árni Pálsson skrifar
Heldur betur girnilegt triffli.
Heldur betur girnilegt triffli.

Einfalt með Evu fór í loftið á Stöð 2 í gær en í þáttunum matreiðir Eva Laufey Kjaran Hermannsdóttir frábæra en á sama tíma einfalda rétti.

Uppskriftirnar verða ávallt aðgengilegar hér á Vísi. Hér að neðan má lesa hvernig maður gerir réttinn.

Ómótstæðilegt triffli á fimmtán mínútum

Botn og fylling:
• 200 g hafrakex
• 100 g smjör
• 500 g vanilluskyr
• 250 ml rjómi
• 1 tsk vanilludropar

Söltuð karamellusósa með bananabitum
• 5 msk sykur
• 4 msk smjör
• 1 ½ dl rjómi
• 2 bananar

Aðferð:

1. Útbúið saltaða karamellusósu með því að bræða sykur á pönnu við vægan hita, bætið smjörinu saman við og því næst smátt skornum bananabitum. Hellið rjómanum saman við í lokin og hrærið þar til þið eruð ánægð með þykktina á sósunni.

2. Hellið sósunni í skál og kælið á meðan þið útbúið bæði botn og fyllingu.

3. Setjið hafrakex og smjör í matvinnsluvél og maukið þar til kexið er orðið afar fínt.

4. Þeytið rjóma, blandið vanilluskyrinu varlega saman við ásamt vanilludropum.

5. Setjið kexmylsnu í botninn á glasi, því næst skyrblandan og karamellusósan fer yfir. Endurtakið leikinn þar til þið eruð komin með tvö – þrjú lög.

Hér að neðan má sjá hvernig Eva Laufey matreiðir réttinn. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.