Golf

Jafntefli í lokaleik Ólafíu og Valdísar

Ástrós Ýr Eggertsdóttir skrifar
Ólafía Þórunn Kristinsdóttir úr GR og Valdís Þóra Jónsdóttir úr Leyni
Ólafía Þórunn Kristinsdóttir úr GR og Valdís Þóra Jónsdóttir úr Leyni GSÍ/Seth

Ólafía Þórunn Kristinsdóttir og Valdís Þóra Jónsdóttir gerðu jafntefli í síðasta leik sínum á EM í golfi.

Andstæðingar Ólafíu og Valdísar í dag voru þær Christine Wolf og Sarah Schober frá Austurríki. Þær höfðu tapað báðum leikjum sínum í mótinu til þessa.

Leikurinn var nokkuð jafn og réðust úrslitin ekki fyrr en á síðustu holunni. Fyrir hana voru Ólafía og Valdís með einnar holu forskot. Þær austurrísku unnu hins vegar lokaholuna og jafntefli því niðurstaðan.

Ólafía og Valdís ljúka því keppni með tvö stig í mótinu eftir tap í fyrsta leik og tvö jafntefli. Það skilar þeim þriðja sæti riðilsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.