Erlent

Nóbelshöfundurinn VS Naipaul látinn

Kjartan Kjartansson skrifar
Naipaul þegar hann hlaut Nóbelsverðlaunin árið 2001.
Naipaul þegar hann hlaut Nóbelsverðlaunin árið 2001. Vísir/EPA

Rithöfundurinn VS Naipaul sem hlaut bókmenntaverðlaun Nóbels árið 2001 er látinn, 85 ára að aldri. Þekktasta verk hans var bókin „Hús fyrir herra Biswas“.

Naipaul fæddist á Trínidad árið 1932 en hann var af indverskum ættum. Hann fluttist til Bretlands árið 1050 þar sem hann hóf bókmenntaferil sinn. Hann skrifaði fleiri en þrjátíu bækur um ævina og var á meðal fyrstu rithöfundanna til að hljóta bresku Booker-bókmenntaverðlaunin, að því er kemur fram í andlátsfrétt breska ríkisútvarpsins BBC.

Skrif Naipaul fjölluðu meðal annars um nýlendustefnu Breta á gagnrýninn hátt og endalok breska heimsveldisins. Í umsögn Nóbelsnefndarinnar árið 2001 sagði að Naipaul væri nútímaheimspekingur og að skrif hans hafi opnað augu fólks fyrir sögu sem bæld hefði verið niður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.