Erlent

45 dæmdir til dauða í Líbíu

Atli Ísleifsson skrifar
Borgarastríð og pólitískur óstöðugleiki hefur ríkt í Líbíu síðustu ár.
Borgarastríð og pólitískur óstöðugleiki hefur ríkt í Líbíu síðustu ár. Vísir/Getty

Dómstóll í Líbíu hefur dæmt 45 manns til dauða fyrir að hafa myrt fjölda fólks í mótmælum í tengslum við uppreisnina gegn fyrrverandi einræðisherra landsins, Múammar Gaddafí, árið 2011.



Dómstóllinn dæmdi einnig 54 til fimm ára fangelsisvistar vegna brota sem framin voru á sama tíma, en 22 voru sýknaðir.



Líbíska dómsmálaráðuneytið greindi frá þessu í dag. Mennirnir sem dæmdir voru til dauða verða teknir af lífi með aftökusveit.



Gaddafí var ráðinn af bana í október 2011 eftir blóðuga uppreisn í landinu. Borgarastríð og pólitískur óstöðugleiki hefur ríkt í landinu síðustu ár.

Líbía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið