Enski boltinn

Brands segir að Everton hafi tekið áhættu með Mina

Anton Ingi Leifsson skrifar
Brands í stúkunni á leik Everton og Valencia á dögunum.
Brands í stúkunni á leik Everton og Valencia á dögunum. vísir/getty
Marcel Brands, yfirmaður knattspyrnumála hjá Everton, segir að félagið hafi tekið ákveðna hættu þegar það gekk frá samningum við miðvörðinn Yerry Mina frá Barcelona.

Brands sagði í viðtali við Sky Sports að félagið hafi ekki hækkað verð sitt í Mina á lokadegi gluggans og hafi því tekið ákveðna áhættu.

„Það voru sögusagnir að mörg félög í úrvalsdeildinni vildu fá hann svo Barcelona beið aðeins," sagði Brands.

„Við breyttum ekki tilboðinu, svo það var áhætta, en það virkaði á endanum. Hann vildi spila fyrir Everton svo það hjálpaði til."

Brands kom til Everton í sumar og þetta var í fyrsta skipti sem hann tekur þátt í gluggadeginum og tókst hann vel hjá Evreton.

Andre Gomes, Bernard og Yerry Mina komu allir á lokadeginum og voru stuðningsmenn Everton með fyrsta glugga Brands en síðustu gluggar hafa verið skrautlegir hjá þeim bláklæddu.




Fleiri fréttir

Sjá meira


×