Handbolti

Ramune Pekarskyte snýr aftur í Hauka

Arnar Geir Halldórsson skrifar
Ramune komin aftur í rautt.
Ramune komin aftur í rautt. vísir/stefán

Stórskyttan öfluga, Ramune Pekarskyte, er gengin til liðs við Hauka í þriðja sinn á ferlinum en hún lék síðast með Stjörnunni í Olís-deildinni.

Hún kom fyrst til landsins árið 2003 þegar hún gekk í raðir Hauka og spilaði með liðinu til ársins 2010. Hún lék svo aftur með Haukum frá 2015-2017 og hefur nú samið aftur við Hafnafjarðarliðið eftir dvöl í Garðabæ.

Í yfirlýsingu Hauka segir að liðið ætli sér stóra hluti í vetur og er hinni 37 ára gömlu Ramune ætlað stórt hlutverk en hún hefur unnið alla titla sem hægt er að vinna á Íslandi með Haukum.

Hún var langmarkahæsti leikmaður Stjörnunnar á síðustu leiktíð þegar hún skoraði 109 mörk í 19 deildarleikjum en Stjarnan hafnaði í 5.sæti deildarinnar. Haukar enduðu einu sæti ofar.

Keppni í Olís-deild kvenna hefst um miðjan næsta mánuð en Haukakonur hefja leik gegn HK í Digranesi þann 18.september næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.