Veiði

Eystri Rangá aflahæst laxveiðiánna

Karl Lúðvíksson skrifar
Árni Kristinn með einn vænann úr Eystri Rangá í fyrrahaust.  Núna fer tími stóru hænganna að renna upp.
Árni Kristinn með einn vænann úr Eystri Rangá í fyrrahaust. Núna fer tími stóru hænganna að renna upp.

Nýjar tölur voru birtar um aflabrögð laxveiðiánna í gærkvöldi og Það er greinilega komin haustbragur í nokkrar árnar.

Það hefur hægt aðeins á veiðinni á vesturlandi en það skýrist helst vegna lækkandi vatns og vatnsleysis í sumum ánum.  Það virðist þó vera gott magn af laxi í ánum á vesturlandi svo haustið gæti orðið gott þegar það fer að rigna aftur og þá geta sumar árnar gefið virkilega vel og á þetta við t.d. um árnar í dölunum sem geta átt góða spretti í september.

Veiðin í Eystri Rangá hefur verið mjög góð í ágúst og hafa dottið inn nokkrir 100 laxa dagar sem hafa lyft ánni upp í efsta sætið á listanum.  Heildarveiðin í henni er komin í 2.651 lax og gæti vel tvöfaldast eða sem næst því áður en yfir líkur enda er nóg eftir af veiðitímanum í henni.  Nú eru þrjár ár komnar yfir 2.000 laxa og fimm ár komnar yfir 1.000 laxa.  Það gætu einhverjar ár bæst á þann lista en til þess þarf góðann endasprett og rigningar til að hreyfa aðeins við hlutunum.

Fimm aflahæstu árnar eru:

1. Eystri Rangá  2.651 lax
2. Ytri Rangá  2.288 laxar
3. Þverá/Kjarrá  2.202 laxar
4. Miðfjarðará  1.863 laxar
5. Norðurá  1.455 laxar

Listann í heild sinni má finna á www.angling.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.