Körfubolti

Tap í átta liða úrslitum gegn sterkum heimamönnum

Anton Ingi Leifsson skrifar
Ágúst er þjálfari strákanna okkar.
Ágúst er þjálfari strákanna okkar. VÍSIR/DANÍEL

Íslensku strákarnir í U16 ára landsliðinu í körfubolta eru úr leik eftir stórt tap, 86-59, gegn Bosníu í 8-liða úrslitunum í B-delidinni á EM.

Heimamenn í Bosníu gáfu tóninn í fyrsta leikhluta. Þeir unnu hann með ellefu stigum, 22-11, og annan leikhluta einnig svo þeir leiddu 38-18 í hálfleik.

Strákarnir búnir að koma sér í erfið mál en sýndu mikinn karakter með að vinna þriðja leikhlutann 22-18 og laga aðeins stöðuna fyrir síðasta leikhlutann.

Bosníu-menn stigu þá aftur á bensíngjöfina. Unnu fjórða leikhlutann 30-19 og leikinn sjálfan með 27 stiga mun, 86-59, og strákarnir okkar leika því um sæti fimm til átta.

Magnús Lúðvíksson skoraði tíu stig fyrir Ísland og Ástþór Svalason kom næstur með átta. Benóný Svanur Sigurðsson skoraði átta stig og Sveinn Birgisson sjö.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.