Jóhann Berg lagði upp eina mark Burnley í tapi

Arnar Geir Halldórsson skrifar
Deeney og félagar byrja vel
Deeney og félagar byrja vel Vísir/Getty
Watford er með fullt hús stiga eftir tvær umferðir í ensku úrvalsdeildinni en liðið gerði góða ferð á Turf Moor í dag þegar þeir heimsóttu Jóhann Berg Guðmundsson og félaga í Burnley.

Leikurinn var tæplega þriggja mínútna gamall þegar Andre Gray kom Watford yfir en heimamenn voru fljótir að svara. Það gerði James Tarkowski eftir hornspyrnu frá Jóhanni Berg. Fleiri mörk voru ekki skoruð í fyrri hálfleik og staðan í leikhléi því jöfn.

Síðari hálfleikur byrjaði nákvæmlega eins og sá fyrri því Troy Deeney kom Watford yfir á 48.mínútu. Á 51.mínútu kom svo fjórða mark leiksins en það var líka Watford manna því Will Hughes skoraði.

Lokatölur 1-3 fyrir Watford sem vann Brighton í fyrstu umferð deildarinnar. Burnley hins vegar enn í leit að sínum fyrsta sigri á tímabilinu eftir að hafa gert markalaust jafntefli við Southampton í fyrstu umferð.





Bein lýsing

Leikirnir






    Fleiri fréttir

    Sjá meira