Menningarmógúlar mæla með þessum viðburðum á Menningarnótt Benedikt Bóas skrifar 18. ágúst 2018 08:00 Menningarnótt er eflaust í uppáhaldi hjá mörgum. Fréttablaðið/Andri Marinó Fréttablaðið fékk fjóra menningarmógúla til að velja sér þrjá viðburði sem höfða til þeirra. Þau Arnar Eggert Thoroddsen, Jóna Ottesen, Lóa Hjálmtýsdóttir og Matthías Tryggvi Haraldsson.Arnar Eggert Thoroddsen, tónlistarblaðamaður og doktorsnemi í tónlistarfræðum.Arnar Eggert mælir með þessu:Tónaflóð Rásar 2 við Arnarhól kl. 20.00-23.00 Það er nauðsynlegt og sjálfsagt að íslenskri dægurtónlist sé gert hátt undir höfði á þessum degi enda er Ísland hvað þekktast út á við fyrir þennan þátt og dægurtónlistarsenan rík, virk, skemmtileg og fjölskrúðug. Margsannað og -reynt. Þessi uppákoma skiptir máli og Rás 2 gerir vel í því að úthugsa dagskrána, upp á flæði, aldur o.s.frv. Rapparar og „r og b“ listamenn keyra þetta í gang, Prins Póló svo með súrrelískar hversdagslýsingar, Írafár með poppið og svo Todmobile með allra handa lokahnút. Almennilegt!Hipphopp á Ingólfstorgi kl. 18.00-22.00 Eðlilega hvet ég gesti á öllum aldri, og þá sérstaklega þá sem trúa því einlæglega að „tónlistin hafi verið mun betri í gamla daga“ að koma við á gamla Hallærisplaninu (þar sem pönkið undi sér vel) og nema það sem ungviðið er að gera í hipphopplistinni – tónlistinni sem hefur nú formlega leyst rokkið af sem tónlist unga fólksins og hvað vinsældir á heimsvísu varðar. Þeir sem eru enn ekki vaknaðir og búnir að finna lyktina af kaffinu geta snarlega bætt úr því með heimsókn hingað.Döbbskúrinn, Vitastíg 17 kl. 12.30-23.15 Júlíus Ólafsson, tónlistarmaður, stórmeistari og Can-áhugamaður heldur utan um döbbskúrinn. Garðskúr Júlíusar fær endurnýjaðan tilgang og mun eima frá sér svellköldu döbbi, ættuðu frá Jamaíka, frá hádegi og fram að miðnætti. Plötusnúðar skiptast á að veiða upp gamalt og nýtt döbb og smellti sá sem þetta ritar í eina syrpu síðast þegar skúrinn var opinn. Mér skilst svo að hann verði ekkert endilega bundinn við þessa slakandi stefnu í ár og hreinlega allt geti gerst á Vitastígnum, enda þekkir góð tónlist engin mæri né mörk.Lóa mælir með þessum viðburðum:Ævintýraleg bókverkasmiðja í Safnahúsinu kl. 14.00-16.00 Eftir að hafa rennt í gegnum dagskrána líst mér best á Ævintýralegu bókverkasmiðjuna í Safnahúsinu. Ég hef sérlegan áhuga á bóka- og bókverkagerð. Svo er námskeiðið líka fyrir börn og fullorðna sem er mjög gott því ég hef meiri áhuga á að taka þátt heldur en að húka í dyragættum með úlpur í fanginu á meðan börn skemmta sér.Tímagöng til 1918, Aðalstræti 10 kl. 12.00-15.00 Ég er forvitin um sýninguna tímagöng til 1918 sem hefur eitthvað að gera með sýndarveruleikagleraugu. Bæði er sýndarveruleiki áhugaverður og svo hef ég verið með frostaveturinn mikla 1918 á heilanum eftir þetta ömurlega sumar.Geimskipið Jörð í Hljómskálagarðinum kl. 13.00-17.00 Geimskipið Jörð í Hljómskálagarðinum hljómar eins og áhugaverð sýning. Þrjár ungar listakonur sem verða með hvelfingar sem hægt er að skyggnast inn í og skoða stjörnur, ský og geislavirkni í þokuhylki. Það hlýtur að vera áhugavert.Matthías Tryggvi Haraldsson, nýútskrifaður af sviðshöfundabraut LHÍ og söngvari Hatara.Matthías Tryggvi mælir með þessum viðburðum:CGFC og Halldór Eldjárn: NAUHJ! A visual laboratory í Mengi kl. 13.00-18.00 Þeir sem ekki hafa heyrt um grafalvarlega flipplistahópinn CGFC verða að skilja tvennt: Kapítalisminn er úr sér genginn og diskó er æðsta listformið. Það segja þau að minnsta kosti, þetta frábæra sviðslista- og prjónalistafólk sem snýr þarna bökum saman. Þau verða með fimm klukkutíma gjörning í Mengi ásamt Halldóri Eldjárn, poppstjörnu og tölvunörd. Búast má við analog tæknibrellum, tónlist, leysigeislum og garni.Menningarnótt á Óðinsgötu kl. 13.30-21.00 Spaðabani er klárlega ein besta hljómsveit allra tíma. Það vita allir sem hafa hundsvit á menningu og listum. Færri vita þó að hljómsveitin byrjaði sem femínísk rannsókn og sviðslistaverk. Þannig getur fólk farið með sviðslistagleraugun á pönktónleika í alræmda hljómsveitagreninu við Óðinsgötu 15. Nú eða bara engin gleraugu, bara opin og pönkþyrst eyru, það má líka. Mig minnir líka að Hórmenni séu að spila.Spunamaraþon Improv Ísland í Þjóðleikhúskjallaranum kl. 17.00-22.00 Meðal sviðslistafólks þykir sérlega asnalegt að hafa ekki farið á að minnsta kosti tvö „improv“ námskeið. Þessu hef ég oft fundið fyrir, enda vil ég ekkert með slík námskeið hafa. Við eigum orðið prýðilegt landslið í þessu furðulega sporti, spunagríni, og ef fólk hefur látið það fram hjá sér fara er um að gera að fara á spunamaraþon í Þjóðleikhúskjallaranum. Að lokum skal bent á að vilji fólk ekki fara úr húsi getur það pantað Elísabetu Kristínu Jökulsdóttur sviðshöfund heim til sín í húslestur.Jóna Ottesen stofnandi Kátt á Klambra.Jóna mælir með þessum viðburðum:Skemmtiskokk í Lækjargötu kl. 12.15-13.15 Stelpan mín fór í fyrra og það var mjög gaman. Georg og leikhópurinn Lotta halda uppi stuðinu og allir fá medalíu fyrir þátttöku. Frábært að virkja hana í að hlaupa, hún dregur mig þá kannski af stað næsta sumar!Ratleikur og Lengsta landslagið á Kjarvalsstöðum kl. 15.00-20.00 Á Kjarvalsstöðum verður skemmtilegur ratleikur þar sem börn og foreldrar geta leyst þrautir saman. Þar er einnig skemmtileg smiðja þar sem börn geta tekið þátt í að mála lengsta landslagið, sem er málað í sameiningu á stóran renning. Þetta eru allt skemmtilegir viðburðir þar sem börn og foreldrar geta leikið sér saman og tekið þátt.Æskusirkusinn, við útitaflið í Lækjargötu kl. 14.00-15.00 Þá næst skellum við okkur á þessa flottu sýningu þar sem börn sýna listir sínar innblásnar af þeirra uppáhaldskvikmyndum. Birtist í Fréttablaðinu Menningarnótt Reykjavík Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Vítalía og Arnar Grant í kossaflensi Lífið Margrét Ýr og Reynir nýtt par Lífið Talin ólíklegust til að komast áfram Lífið Gult og glæsilegt einbýlishús Sölva til sölu Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun „Æskuheimilið hans er bara rústir“ Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira
Fréttablaðið fékk fjóra menningarmógúla til að velja sér þrjá viðburði sem höfða til þeirra. Þau Arnar Eggert Thoroddsen, Jóna Ottesen, Lóa Hjálmtýsdóttir og Matthías Tryggvi Haraldsson.Arnar Eggert Thoroddsen, tónlistarblaðamaður og doktorsnemi í tónlistarfræðum.Arnar Eggert mælir með þessu:Tónaflóð Rásar 2 við Arnarhól kl. 20.00-23.00 Það er nauðsynlegt og sjálfsagt að íslenskri dægurtónlist sé gert hátt undir höfði á þessum degi enda er Ísland hvað þekktast út á við fyrir þennan þátt og dægurtónlistarsenan rík, virk, skemmtileg og fjölskrúðug. Margsannað og -reynt. Þessi uppákoma skiptir máli og Rás 2 gerir vel í því að úthugsa dagskrána, upp á flæði, aldur o.s.frv. Rapparar og „r og b“ listamenn keyra þetta í gang, Prins Póló svo með súrrelískar hversdagslýsingar, Írafár með poppið og svo Todmobile með allra handa lokahnút. Almennilegt!Hipphopp á Ingólfstorgi kl. 18.00-22.00 Eðlilega hvet ég gesti á öllum aldri, og þá sérstaklega þá sem trúa því einlæglega að „tónlistin hafi verið mun betri í gamla daga“ að koma við á gamla Hallærisplaninu (þar sem pönkið undi sér vel) og nema það sem ungviðið er að gera í hipphopplistinni – tónlistinni sem hefur nú formlega leyst rokkið af sem tónlist unga fólksins og hvað vinsældir á heimsvísu varðar. Þeir sem eru enn ekki vaknaðir og búnir að finna lyktina af kaffinu geta snarlega bætt úr því með heimsókn hingað.Döbbskúrinn, Vitastíg 17 kl. 12.30-23.15 Júlíus Ólafsson, tónlistarmaður, stórmeistari og Can-áhugamaður heldur utan um döbbskúrinn. Garðskúr Júlíusar fær endurnýjaðan tilgang og mun eima frá sér svellköldu döbbi, ættuðu frá Jamaíka, frá hádegi og fram að miðnætti. Plötusnúðar skiptast á að veiða upp gamalt og nýtt döbb og smellti sá sem þetta ritar í eina syrpu síðast þegar skúrinn var opinn. Mér skilst svo að hann verði ekkert endilega bundinn við þessa slakandi stefnu í ár og hreinlega allt geti gerst á Vitastígnum, enda þekkir góð tónlist engin mæri né mörk.Lóa mælir með þessum viðburðum:Ævintýraleg bókverkasmiðja í Safnahúsinu kl. 14.00-16.00 Eftir að hafa rennt í gegnum dagskrána líst mér best á Ævintýralegu bókverkasmiðjuna í Safnahúsinu. Ég hef sérlegan áhuga á bóka- og bókverkagerð. Svo er námskeiðið líka fyrir börn og fullorðna sem er mjög gott því ég hef meiri áhuga á að taka þátt heldur en að húka í dyragættum með úlpur í fanginu á meðan börn skemmta sér.Tímagöng til 1918, Aðalstræti 10 kl. 12.00-15.00 Ég er forvitin um sýninguna tímagöng til 1918 sem hefur eitthvað að gera með sýndarveruleikagleraugu. Bæði er sýndarveruleiki áhugaverður og svo hef ég verið með frostaveturinn mikla 1918 á heilanum eftir þetta ömurlega sumar.Geimskipið Jörð í Hljómskálagarðinum kl. 13.00-17.00 Geimskipið Jörð í Hljómskálagarðinum hljómar eins og áhugaverð sýning. Þrjár ungar listakonur sem verða með hvelfingar sem hægt er að skyggnast inn í og skoða stjörnur, ský og geislavirkni í þokuhylki. Það hlýtur að vera áhugavert.Matthías Tryggvi Haraldsson, nýútskrifaður af sviðshöfundabraut LHÍ og söngvari Hatara.Matthías Tryggvi mælir með þessum viðburðum:CGFC og Halldór Eldjárn: NAUHJ! A visual laboratory í Mengi kl. 13.00-18.00 Þeir sem ekki hafa heyrt um grafalvarlega flipplistahópinn CGFC verða að skilja tvennt: Kapítalisminn er úr sér genginn og diskó er æðsta listformið. Það segja þau að minnsta kosti, þetta frábæra sviðslista- og prjónalistafólk sem snýr þarna bökum saman. Þau verða með fimm klukkutíma gjörning í Mengi ásamt Halldóri Eldjárn, poppstjörnu og tölvunörd. Búast má við analog tæknibrellum, tónlist, leysigeislum og garni.Menningarnótt á Óðinsgötu kl. 13.30-21.00 Spaðabani er klárlega ein besta hljómsveit allra tíma. Það vita allir sem hafa hundsvit á menningu og listum. Færri vita þó að hljómsveitin byrjaði sem femínísk rannsókn og sviðslistaverk. Þannig getur fólk farið með sviðslistagleraugun á pönktónleika í alræmda hljómsveitagreninu við Óðinsgötu 15. Nú eða bara engin gleraugu, bara opin og pönkþyrst eyru, það má líka. Mig minnir líka að Hórmenni séu að spila.Spunamaraþon Improv Ísland í Þjóðleikhúskjallaranum kl. 17.00-22.00 Meðal sviðslistafólks þykir sérlega asnalegt að hafa ekki farið á að minnsta kosti tvö „improv“ námskeið. Þessu hef ég oft fundið fyrir, enda vil ég ekkert með slík námskeið hafa. Við eigum orðið prýðilegt landslið í þessu furðulega sporti, spunagríni, og ef fólk hefur látið það fram hjá sér fara er um að gera að fara á spunamaraþon í Þjóðleikhúskjallaranum. Að lokum skal bent á að vilji fólk ekki fara úr húsi getur það pantað Elísabetu Kristínu Jökulsdóttur sviðshöfund heim til sín í húslestur.Jóna Ottesen stofnandi Kátt á Klambra.Jóna mælir með þessum viðburðum:Skemmtiskokk í Lækjargötu kl. 12.15-13.15 Stelpan mín fór í fyrra og það var mjög gaman. Georg og leikhópurinn Lotta halda uppi stuðinu og allir fá medalíu fyrir þátttöku. Frábært að virkja hana í að hlaupa, hún dregur mig þá kannski af stað næsta sumar!Ratleikur og Lengsta landslagið á Kjarvalsstöðum kl. 15.00-20.00 Á Kjarvalsstöðum verður skemmtilegur ratleikur þar sem börn og foreldrar geta leyst þrautir saman. Þar er einnig skemmtileg smiðja þar sem börn geta tekið þátt í að mála lengsta landslagið, sem er málað í sameiningu á stóran renning. Þetta eru allt skemmtilegir viðburðir þar sem börn og foreldrar geta leikið sér saman og tekið þátt.Æskusirkusinn, við útitaflið í Lækjargötu kl. 14.00-15.00 Þá næst skellum við okkur á þessa flottu sýningu þar sem börn sýna listir sínar innblásnar af þeirra uppáhaldskvikmyndum.
Birtist í Fréttablaðinu Menningarnótt Reykjavík Mest lesið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Vítalía og Arnar Grant í kossaflensi Lífið Margrét Ýr og Reynir nýtt par Lífið Talin ólíklegust til að komast áfram Lífið Gult og glæsilegt einbýlishús Sölva til sölu Lífið Nýbökuðu hjónin kíktu í kaffi til Guðna Lífið Samantha Davis er látin Lífið Myndavél frá afa algjör fjársjóður Tíska og hönnun „Æskuheimilið hans er bara rústir“ Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira