Enski boltinn

Emery: Allir leikmenn verða að leggja sitt að mörkum

Einar Sigurvinsson skrifar
Unai Emery, knattspyrnustjóri Arsenal.
Unai Emery, knattspyrnustjóri Arsenal.
„Það þurfa allir leikmenn að verjast á ákveðnum augnablikum í leiknum,“ segir Unai Emery, knattspyrnustjóri Arsenal þegar hann var spurður út í varnarhlutverk Mesut Özil.

„Allir leikmenn verða að leggja sitt að mörkum, hvort sem við erum að sækja eða verjast,“ segir Emery.

„Það er ljóst að Özil þarf að fá boltann til að gefa okkur möguleika í sókninni. Hann þarf að gera það í hverjum leik, en varnarhlutverkið er fyrir hvern og einn leikmann.“

Fyrsta leik Arsenal undir stjórn Emery lauk með 2-0 tapi fyrir Manchester City, en liðið mætir Chelsea klukkan 16:30 í dag.




Fleiri fréttir

Sjá meira


×