Sport

Arnar og Anna Íslandsmeistarar í maraþoni

Einar Sigurvinsson skrifar
Arnar Pétursson fagnar eftir hlaupið í dag.
Arnar Pétursson fagnar eftir hlaupið í dag. vísir/vilhelm
Arnar Pétursson er Íslandsmeistari í maraþoni. Hann hljóp kílómetrana 42 í Reykjavíkurmaraþoni Íslandsbanka á 2 klukkustundum, 26 mínútum og 43 sekúndum. Það er hraðasti tími Íslendings í Reykjavíkurmaraþoninu en hann bætti eigið met frá mótinu í fyrra um tvær mínútur.

Fyrstur allra í í hlaupinu var Bandaríkjamaðurinn Benjamin Paul Zywicki. Hann hljóp á tímanum 02:23:42. Í öðru sæti var Peter Jenkei á 02:24:06 og Arnar Pétursson var þriðji.

Í öðru sæti í Íslandsmeistaramótinu var Sigurjón Ernir Sturluson á tímanum 02:46:57. Hann var einnig bætti þar tímann sinn frá því í fyrra um þrjár mínútur þar sem hann var einnig í öðru sæti. Þriðji hraðastur Íslendinga var Hlynur Guðmundsson á tímanum 2:57:29.

Íslandsmeistari kvenna er Anna Berglind Pálmadóttir. Hún hljóp á 3 klukkustundum, 11 mínútum og 11 sekúndum.

Sara Tierney Lasker frá Bandaríkjunum var fljótust allra kvenna á tímanum 02:58:43. Marissa Saenger varð önnur á 03:00:37 og Rachel Parker þriðja. Anna Berglind kom þar næst á eftir.

Elín og Hlynur fyrst í hálfu maraþoni
Elín Edda Sigurðardóttir kemur í mark.vísir/vilhelm
Í háfu maraþoni var Bandaríkjamaðurinn Raymond McCormack Jr. fyrstur í mark á tímanum 01:05:16. Næstur á eftir honum var Hlynur Andrésson á 01:05:43.

Jess Draskau Petersson frá Danmörku hljóp hálfmaraþonið hraðast kvenna á 01:15:57. Í öðru sæti og hröðust Íslendinga var Elín Edda Sigurðardóttir á 01:19:04.




Fleiri fréttir

Sjá meira


×